“VKontakte” ijtimoiy tarmog‘ida Sankt-Peterburgdagi Vasilevskiy oroli hududida ikkita “Sherp” yo‘ltanlamasi suzayotgani tasvirlangan videorolik tarqaldi. Mashina haydovchilari endilikda 5 ming rublgacha (67 dollar) jarimaga tortilishi mumkin, deb xabar beradi Motor.
E’lon qilingan videoda ikkita “Sherp” Smolenka daryosining ochiq suvlaridagi muzlar orasida suzib yurganini ko‘rish mumkin. Shundan so‘ng, yo‘ltanlamas haydovchilaridan biri qattiq yuzaga chiqishga uringan, biroq mashina endi muz ustiga chiqqanida muz yorilib ketgan.
Haydovchilar nima sababdan yupqa muz ustiga chiqishga qaror qilgani noma’lum. Ehtimol, bu reklama aksiyasi yoki mashina egalari shunchaki yo‘ltanlamaslarini tabiiy sharoitda sinab ko‘rishni xohlagan bo‘lishi mumkin.
Sankt-Peterburg Qonun ustuvorligi, qonun ijrosi va xavfsizlik qo‘mitasi matbuot xizmatining ma’lum qilishicha, viloyatda 15-aprelga qadar muz ustida avtomobilda harakatlanish taqiqlangan. Agar qoidabuzarlar shaxsi aniqlansa, ularning har biri 5 ming rubl miqdorida jarimaga tortiladi.
Avvalroq amerikalik reper Kanye Uest qo‘shiqchi Kris Braunga Rossiyada ishlab chiqarilgan “Sherp” yo‘ltanlamasini sovg‘a qilgani to‘g‘risida xabar berilgandi.
Izoh (0)