Yelizaveta II ning garaji: Buyuk Britaniya qirolichasi qanday mashinalarni xush ko‘radi?

Dunyoning nufuzli ayollaridan biri Yelizaveta II Buyuk Britaniyaning eng keksa monarxi maqomini saqlashda davom etmoqda. U 94 yoshini qarshi oldi, taxtni esa 68 yildan buyon egallab, rekordni yangiladi.

O‘tgan yillar mobaynida avtoulovlarni boshqarish Buyuk Britaniya qirolichasining eng sevimli mashg‘ulotiga aylangan. Qirollik garajida rasmiy hamda norasmiy tadbirlar uchun o‘nlab mashinalar mavjud.

Ikkinchi jahon urushi vaqtida 18 yoshli malika Yelizaveta II tez yordam mashinasi haydovchisi sifatida o‘qitilgan. O‘sha yillarda xonim Austin K2/Y rusumli yuk mashinasini boshqargan va shundan keyin katta mashinalarga mehr qo‘ygan.

Rolls-Royce Phantom IV

1950-yilda malika turmush o‘rtog‘i − Edinburg gersogi bilan birgalikda Rolls-Royce Phantom IV ishlab chiqarishni buyurgan. Ushbu mashina hanuzgacha Britaniya garajida saqlanadi, shuningdek, u juda yaxshi holatda. Qirollik an’analariga ko‘ra, muhim tadbirlarda oila uchun bu kabi ramziy mashinalardan foydalanish odat tusiga kirgan. Shahzoda Uilyam hamda Garrining nikoh to‘yida ushbu mashina ham keltirilgan. Shunisi e’tiborga loyiqki, 18 ta Rolls-Royce Phantom IV ishlab chiqarilgan va ularning barchasi monarxlar hamda davlat rahbarlari xizmatida bo‘lgan.

Rolls-Royce Phantom VI

1977-yilda Buyuk Britaniya avtomobil ishlab chiqaruvchilari Yelizaveta II hukmronligining 25 yilligiga Rolls-Royce Phantom VI ni taqdim etgan. Avtomobil ko‘pincha rasmiy tashriflar vaqtida ishlatiladi. Ammo malika rulga o‘tirmaydi.

Land Rover

Urushdan bir necha yil o‘tib alyuminiydan yasalgan Land Rover qirolichaning garajidan joy olgan. Malikaga mashina juda yoqadi, hattoki uni shaxsiy maqsadlari yo‘lida boshqaradi.

Land Rover Defender

Qirollik oilasi hozirda ham Land Rover transport vositalarini boshqarishda davom etmoqda. Ta’kidlanishicha, Yelizaveta II ushbu mashinani juda yaxshi ko‘radi, sababi mashina unga harbiy xizmatni eslatadi.

Land Rover Range Rover

Shuningdek, qirolichaning garajidan Land Rover Range Rover ham joy olgan. Ushbu mashina norasmiy sayohatlar uchun boshqariladi.

Land Rover Landaulet

Bir necha yil oldin qirolicha uchun maxsus Land Rover Landaulet mashinasi ishlab chiqarilgan. Avtomobilning orqa o‘rindiqlari tomi ochiladi. Avtomobil salonida tashrif chog‘ida tik turish uchun tutqichli maxsus platforma yaratilgan.

Vauxhall Cresta Fiary Estate Rover P5B

Qirolicha yoshligida ham oddiy va ko‘zga tashlanmaydigan avtomobillarni xush ko‘rgan. Ushbu mashina ham o‘rtacha darajadagi avtomobil qidirayotgan xaridorlar uchun ishlab chiqarilgan.

Jaguar

Buyuk Britaniya qirolichasining tez-tez Jaguar haydaganini ko‘rishgan. Ushbu mashina bilan qiziqarli voqea ham ro‘y bergan. Maxsus xizmat tufayli Vindzor bog‘i orqali ketayotgan qirolicha sayrga chiqqan yosh oilani bezovta qilmaslik uchun maysazor ustidan yurishga qaror qilgan. Ushbu hodisaning surati butun dunyoga tarqalgan.

Bentley State Limousine

Rasmiy sayohatlar uchun qirolicha foydalanadigan avtomobil. Mashina qirolichaga hukmronlikning 50 yilligi sharafiga sovg‘a qilingan. Avtomobilda o‘q o‘tkazmaydigan oynalar mavjud bo‘lib, uning ichki qismi gaz hujumiga qarshi tura oladi. Avvallari Angliya qirolichasining mashinalari bu kabi himoyaga ega emas edi. Ammo XXI asrda terroristik hujumlarning ko‘payishi bilan qoidalar qayta belgilandi.

Bugungi kunga qadar Yelizaveta II tantanali sayohatlari uchun ushbu mashinani tanlaydi.

Bentley Bentayga

Hozirda qirol garajining javohirlaridan biri. Ushbu mashinani yaratish uchun bir necha yil va milliardlab dollar sarflangan. U to‘q yashil rangda bo‘lgani uchun rasmiy tadbirlarda undan foydalanilmaydi. Qirolicha avtomobilni Shotlandiya yerlariga sayohat qilishda boshqaradi.

Bir necha yil oldin qirolichaning eri o‘zining sevimli Land Rover Freelander’da avtohalokatga uchragan edi. Yaxshiki, jarohat unchalik jiddiy bo‘lmagan. Xavfsizlik xodimlari hodisaning takrorlanishidan qo‘rqib, monarxlarga faqat haydovchi bilan sayohat qilishga ruxsat berilgan protokoldagi o‘zgarishlarni talab qila boshladilar. Ammo baribir qirolicha mashinalarga bo‘lgan muhabbatidan butunlay voz kecha olmadi. U 94 yoshida ham avtomobil haydashni davom ettirmoqda.