Ijtimoiy tarmoqlarda “Mikrokreditbank”ga tegishli 24/7 shoxobchaning ichki qismidagi elektron tabloda “Pul yo‘q, qayerga borsang, bor” deb yozilgan videolavha tarqaldi. “Zamon” informatsion dasturi muxbiri ushbu holat bo‘yicha “Mikrokreditbank” axborot xizmati rahbari Sarvar Ochilov bilan bog‘langan.
Aniqlanishicha, voqea Sirdaryo viloyatining Guliston shahridagi “Mikrokreditbank”ning 24/7 rejimida ishlovchi shoxobchasida bo‘lgan. Ma’lumotlar “Mikrokreditbank” xodimlari tomonidan emas, balki elektron tabloga masofadan bog‘lanish funksiyasi orqali bog‘langan holda noma’lum shaxslar tomonidan o‘zgartirilgan.
Bank matbuot xizmati xodimining aytishicha, o‘sha vaqtda o‘sha bankomatda 241 million so‘m pul bo‘lgan. Shuningdek, keltirilgan noqulayliklar uchun uzr so‘rab, ushbu holat bank tomonidan nazoratga olinib, kelgusida bu kabi holatlarning oldini olish choralari ko‘rilayotganligi ma’lum qilingan.
Izoh (0)