Milliy g‘oya targ‘iboti, ma’naviy-ma’rifiy ishlar samaradorligini oshirish, jamiyatda adabiyot va kitobxonlikni yana-da rivojlantirish maqsadida “Ijod” jamoat fondi negizida Ma’naviyat va ijodni qo‘llab-quvvatlash fondi tashkil etiladi. Bu haqda 19-yanvar kuni Prezident Shavkat Mirziyoyev raisligida o‘tkazilgan videoselektor yig‘ilishida ma’lum qilindi, deya xabar bermoqda “Daryo” muxbiri Mirolim Isajonov.
“Mazkur jamg‘armaga 120 milliard so‘m ajratilib, ushbu mablag‘lar ma’naviy-ma’rifiy tarbiya va targ‘ibot-tashviqot ishlarini samarali amalga oshirish, milliy adabiyotimizni rivojlantirish uchun sarflanadi.
Bu mablag‘ning 90 milliard so‘mi hududlarda ma’naviy-ma’rifiy sohalarni rivojlantirishga, 20 milliard so‘mi Yozuvchilar uyushmasi faoliyatini qo‘llab-quvvatlashga, 10 milliard so‘mi esa respublika miqyosida ma’naviy-ma’rifiy ishlarni samarali tashkil qilishga yo‘naltiriladi. Ushbu mablag‘larni taqsimlashda hududlardagi aholi soni va ularning o‘ziga xos xususiyatlarini inobatga olish lozim”, – dedi davlat rahbari.
Avvalroq Shavkat Mirziyoyev saviyasiz ko‘rsatuvlarni tanqid qilgan mahalla faolining taklifiga munosabat bildirgandi.
Izoh (0)