“Bavariya”ning markaziy himoyachisi David Alaba faoliyatini “Real”da davom ettiradigan bo‘ldi.
Marca nashrining xabar qilishicha, 28 yoshli futbolchi madridliklar bilan kelishuvga erishgan. Alaba yozda erkin agent maqomida “Real” safiga qo‘shiladi.
Ta’kidlanishicha, avstriyalik futbolchi “Qirollik klubi” bilan 4 yillik shartnoma imzolaydi va yiliga 11 million yevro maosh oladi.
“Real” Alaba bilan 1-yanvardan boshlab muzokaralarga kirishgan, shuningdek, futbolchi “Real” shifokorlari nazorati ostida tibbiy ko‘rikdan o‘tgan.
Alaba 2008-yilda “Bavariya” a’zosiga aylangandi, uning myunxenliklar bosh jamoasidagi debyuti 2010-yilda yuz bergan.
U “Bavariya” safida to‘qqiz bor Germaniya chempionligini qo‘lga kiritdi, olti marta mamlakat kubogida zafar quchdi va besh bor Superkubokni qo‘lga kiritdi. Shuningdek, Alaba nemis klubida ikki martadan Chempionlar Ligasi va UEFA Superkubogida g‘alaba qozondi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)