Britaniyada Ben Xogan ismli mobil dasturchi mahsulotlarni tashishga mo‘ljallangan Starship roboti yordamida sevgan qizining qo‘lini so‘radi, deb xabar beradi “Korrespondent.net”.
Ta’kidlanishicha, hozirda Buyuk Britaniya janubi-sharqida joylashgan Milton-Kind shahri aholisi o‘zini o‘zi yakkalash tartibiga o‘tgan bo‘lib, odamlarga mahsulotlarni robotlar yetkazib bermoqda.
Robotlar Xoganning suyuklisiga juda yoqqani sabab, erkak Starship Technologies kompaniyasidan Rojdestvo arafasi mashinalardan birini nikoh uzugini eltib berish uchun Kemston shahriga yuborishni so‘ragan. Ben o‘z iltimosiga ijobiy javob bo‘lishini kutmaganini ma’lum qilgan.
“Bizda robotlar yo‘q, biz ularning faoliyati doirasidan tashqarida joylashganmiz. Biroq ular robot bu qadar uzoqqa kelishi uchun qanday sehr qo‘llaganini bilmayman, ammo juda minnatdorman”, — deydi u.
Would you propose with a #Starshiprobot? One man in Milton Keynes thought it was the perfect way to end the holiday season and start 2021! Thank you @Iam_BenHogan for including us in your special day! Forget the Best Man, can we be your Best Bot? pic.twitter.com/mmTqpnUZuR
— Starship Technologies (@StarshipRobots) January 7, 2021
Ben va Sherri Buyuk Britaniyada joriy etilgan birinchi lokdaundan oldin uchrasha boshlagan. Ularning to‘y sanasi mamlakatdagi koronavirusga oid vaziyatga bog‘liq. Juftlik Starship roboti mehrobda ham uzuk olib kelishiga umid qilmoqda.
Izoh (0)