Kundan kunga COVID-19 bilan og‘riganlar soni ortib bormoqda. Infeksiyaning tarqalishi har bir uyga o‘z ta’sirini ko‘rsatmoqda. Deyarli har bir oilaning a’zolaridan biri kasallikni boshidan o‘tkazdi yoki hozirda infeksiya bilan kurashmoqda. Acibadem klinikasining yuqumli kasalliklar va klinik mikrobiologiya bo‘limi professori Chagri Buke holat bo‘yicha quyidagicha fikrda: “PZR-testi yordamida COVID-19 tashxisi qo‘yilgan bemorlarning taxminan 80% o‘z uylarida davolanmoqda. Xavf shundaki, bemor bilan yopiq xonada birga bo‘lish, kasalni yuqtirib olish xavfini orttiradi”. Endi COVID-19 bilan og‘rigan inson bilan birga yashashda qat’iy rioya qilinishi kerak bo‘lgan 10 ta oltin qoidani ko‘rib chiqamiz.
Koronavirus bilan og‘rigan inson bilan birga yashashda rioya etiladigan 10 ta qoida:
Alohida xona
COVID-19 tashxisi qo‘yilgan bemor oilaning boshqa a’zolaridan alohidalanadi. U hamma vaqtini (shu jumladan, ovqatlanishi ham) alohida xonada o‘tkazishi kerak. Bu xonaning eshigi hamisha yopiq holatda turishi kerak.
Niqob – COVID-19 bilan og‘rigan bemor bilan muloqotda majburiy
COVID-19 bilan kasallangan bemor xonasiga bemorning o‘zi mustaqil ravishda biror ishni uddalay olmaydigan, ilojsiz hollardagina kirishga ruxsat etiladi. Bemor ham zarur sababsiz o‘z xonasidan chiqmasligi kerak. Zarurat bo‘lganda, ijtimoiy masofani saqlab, og‘iz va burunni to‘liq yopadigan, yuzga zich yopishgan maskada bemorning oldiga kirishi mumkin. Bu qoidani bir zum ham e’tibordan qochirish mumkin emas!
Hammomni muntazam ravishda tozalash
Eng maqbul holat — bu bemorning alohida hammomi bo‘lishidir. Agar buning iloji bo‘lmasa, unda har foydalanilgandan so‘ng barcha sirtlarni (unitazni, rakovinani, kranlarni, polni) dezinfeksiya qilish kerak.
Shaxsiy idishlar va yotoq anjomlari
COVID-19 bilan kasallangan bemorni shaxsiy idish-tovoqlar va yotoq anjomlari bilan ta’minlash zarur. Ulardan boshqa oila a’zolari foydalanishlariga yo‘l qo‘ymaslik kerak. Yotoq anjomlarini kir yuvish mashinasida boshqa narsalardan alohida yuvish kerak, idish-tovoqlarni esa idish-tovoq yuvish mashinasida yoki qo‘lda, oqib turuvchi suv ostida, yuvish vositalaridan foydalangan holda yuvish zarur.
Qo‘llarni muntazam yuvish
Umumiy foydalanish joylarida har qanday sirt bilan aloqa qilishdan keyin, ovqatlanishdan oldin va keyin, hammomdan keyin, taom tayyorlashdan oldin va keyin, binolardagi narsalar bilan aloqaga kirishgandan keyin qo‘llarni sovun eritmasi bilan kamida 20 soniya davomida yuvish kerak. Shuningdek, qo‘l gigiyenasi uchun dezinfeksiya vositalaridan foydalanish mumkin.
Koronavirus bilan kasal bemor uyda maskada bo‘lishi
COVID-19 bilan kasallangan bemor hammomga yoki boshqa xonalarga chiqishda niqobda (og‘iz va burunga zich yopishgan) bo‘lishi shart.
Sirtlarni dezinfeksiyalash
Eshik tutqichlari, elektr o‘chirgichlar va boshqa umumiy foydalanish sirtlarini har bir kontakdan so‘ng dezinfeksiya yoki yuvish vositasi bilan artish kerak.
Alohida sochiqlar
Har bir oila a’zosining alohida sochig‘i bo‘lishi zarur, chunki sochiq orqali infeksiya oson yuqtirilishi mumkin. Bemor uchun alohida sochiq ajratish kerak yoki qog‘ozli sochiqlardan foydalanish mumkin. Bemor ishlatgan hojatxona qog‘ozi va qog‘ozli sochiqlarni zich yopilgan paketda axlatga tashlash kerak.
Yotoq anjomlarini muntazam almashtirish
COVID-19 bilan kasallangan bemorning yostiq jildlarini har kuni almashtirish va ularni 60 darajadan past bo‘lmagan haroratda kir mashinasida yuvish kerak. Choyshablar va ko‘rpa jildlarini har uch kunda bir marta to‘liq almashtirish va ularni 60 darajadan past bo‘lmagan xaroratda yuvish kerak.
Barcha xonalarni muntazam shamollatish
Boshqa oila a’zolariga koronavirus yuqishining oldini olishning muhim elementi xonalarni muntazam shamollatib turishdir. Nafaqat bemor yashaydigan xona, balki butun xonadon haqida gap bormoqda. Har kuni xonalar bir necha daqiqa shamollatilishi kerak. Virusning tarqalishi va yuqish ehtimoli xona ichida juda yuqori bo‘lgani uchun bemorga sog‘lom insonlar yaqinlashishiga yo‘l qo‘yilmaslik kerak.
“Ushbu qoidalarga testning salbiy natijasi olinguncha yoki (agar test olinmagan bo‘lsa) alomatlar boshlanganidan 14 kun davomida yoki kasallik alomatlari to‘liq yo‘qolganidan keyin 48 soat davomida ham amal qilish kerak. Lekin bu virus ba’zan tanadan uzoq vaqt davomida bartaraf qilinishi mumkinligini esda tutish kerak”, – deydi Professor Buke.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin: Toshkent shahri, Mirzo Ulug‘bek tumani, Buyuk Ipak yo‘li mavzesi, 19-uy.
Telefon: (+99895) 144-54-45
Shuningdek, rasmiy sayt orqali barcha kerakli ma’lumotlarga ega bo‘lishingiz mumkin: www.acibadem.com.ru
Reklama huquqi asosida.
Izoh (0)