Кундан кунга COVID-19 билан оғриганлар сони ортиб бормоқда. Инфекциянинг тарқалиши ҳар бир уйга ўз таъсирини кўрсатмоқда. Деярли ҳар бир оиланинг аъзоларидан бири касалликни бошидан ўтказди ёки ҳозирда инфекция билан курашмоқда. Acibadem клиникасининг юқумли касалликлар ва клиник микробиология бўлими профессори Чагри Буке ҳолат бўйича қуйидагича фикрда: «ПЗР-тести ёрдамида COVID-19 ташхиси қўйилган беморларнинг тахминан 80% ўз уйларида даволанмоқда. Хавф шундаки, бемор билан ёпиқ хонада бирга бўлиш, касални юқтириб олиш хавфини орттиради». Энди COVID-19 билан оғриган инсон билан бирга яшашда қатъий риоя қилиниши керак бўлган 10 та олтин қоидани кўриб чиқамиз.
Коронавирус билан оғриган инсон билан бирга яшашда риоя этиладиган 10 та қоида:
Алоҳида хона
COVID-19 ташхиси қўйилган бемор оиланинг бошқа аъзоларидан алоҳидаланади. У ҳамма вақтини (шу жумладан, овқатланиши ҳам) алоҳида хонада ўтказиши керак. Бу хонанинг эшиги ҳамиша ёпиқ ҳолатда туриши керак.
Ниқоб – COVID-19 билан оғриган бемор билан мулоқотда мажбурий
COVID-19 билан касалланган бемор хонасига беморнинг ўзи мустақил равишда бирор ишни уддалай олмайдиган, иложсиз ҳоллардагина киришга рухсат этилади. Бемор ҳам зарур сабабсиз ўз хонасидан чиқмаслиги керак. Зарурат бўлганда, ижтимоий масофани сақлаб, оғиз ва бурунни тўлиқ ёпадиган, юзга зич ёпишган маскада беморнинг олдига кириши мумкин. Бу қоидани бир зум ҳам эътибордан қочириш мумкин эмас!
Ҳаммомни мунтазам равишда тозалаш
Энг мақбул ҳолат — бу беморнинг алоҳида ҳаммоми бўлишидир. Агар бунинг иложи бўлмаса, унда ҳар фойдаланилгандан сўнг барча сиртларни (унитазни, раковинани, кранларни, полни) дезинфекция қилиш керак.
Шахсий идишлар ва ётоқ анжомлари
COVID-19 билан касалланган беморни шахсий идиш-товоқлар ва ётоқ анжомлари билан таъминлаш зарур. Улардан бошқа оила аъзолари фойдаланишларига йўл қўймаслик керак. Ётоқ анжомларини кир ювиш машинасида бошқа нарсалардан алоҳида ювиш керак, идиш-товоқларни эса идиш-товоқ ювиш машинасида ёки қўлда, оқиб турувчи сув остида, ювиш воситаларидан фойдаланган ҳолда ювиш зарур.
Қўлларни мунтазам ювиш
Умумий фойдаланиш жойларида ҳар қандай сирт билан алоқа қилишдан кейин, овқатланишдан олдин ва кейин, ҳаммомдан кейин, таом тайёрлашдан олдин ва кейин, бинолардаги нарсалар билан алоқага киришгандан кейин қўлларни совун эритмаси билан камида 20 сония давомида ювиш керак. Шунингдек, қўл гигиенаси учун дезинфекция воситаларидан фойдаланиш мумкин.
Коронавирус билан касал бемор уйда маскада бўлиши
COVID-19 билан касалланган бемор ҳаммомга ёки бошқа хоналарга чиқишда ниқобда (оғиз ва бурунга зич ёпишган) бўлиши шарт.
Сиртларни дезинфекциялаш
Эшик тутқичлари, электр ўчиргичлар ва бошқа умумий фойдаланиш сиртларини ҳар бир контакдан сўнг дезинфекция ёки ювиш воситаси билан артиш керак.
Алоҳида сочиқлар
Ҳар бир оила аъзосининг алоҳида сочиғи бўлиши зарур, чунки сочиқ орқали инфекция осон юқтирилиши мумкин. Бемор учун алоҳида сочиқ ажратиш керак ёки қоғозли сочиқлардан фойдаланиш мумкин. Бемор ишлатган ҳожатхона қоғози ва қоғозли сочиқларни зич ёпилган пакетда ахлатга ташлаш керак.
Ётоқ анжомларини мунтазам алмаштириш
COVID-19 билан касалланган беморнинг ёстиқ жилдларини ҳар куни алмаштириш ва уларни 60 даражадан паст бўлмаган ҳароратда кир машинасида ювиш керак. Чойшаблар ва кўрпа жилдларини ҳар уч кунда бир марта тўлиқ алмаштириш ва уларни 60 даражадан паст бўлмаган хароратда ювиш керак.
Барча хоналарни мунтазам шамоллатиш
Бошқа оила аъзоларига коронавирус юқишининг олдини олишнинг муҳим элементи хоналарни мунтазам шамоллатиб туришдир. Нафақат бемор яшайдиган хона, балки бутун хонадон ҳақида гап бормоқда. Ҳар куни хоналар бир неча дақиқа шамоллатилиши керак. Вируснинг тарқалиши ва юқиш эҳтимоли хона ичида жуда юқори бўлгани учун беморга соғлом инсонлар яқинлашишига йўл қўйилмаслик керак.
«Ушбу қоидаларга тестнинг салбий натижаси олингунча ёки (агар тест олинмаган бўлса) аломатлар бошланганидан 14 кун давомида ёки касаллик аломатлари тўлиқ йўқолганидан кейин 48 соат давомида ҳам амал қилиш керак. Лекин бу вирус баъзан танадан узоқ вақт давомида бартараф қилиниши мумкинлигини эсда тутиш керак», – дейди Профессор Буке.
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак йўли мавзеси, 19-уй.
Телефон: (+99895) 144-54-45
Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru
Реклама ҳуқуқи асосида.
Изоҳ (0)