“Real” La Liga 18-turi doirasida “Osasuna”ga qarshi kechgan 9-yanvar kungi bahsda 0:0 hisobidagi durangni qayd etdi.
Bu “Real” uchun La Liga 2020/21-yilgi mavsumidagi uchinchi nursiz o‘yin bo‘ldi. Bunaqasi shuningdek, “Shaxtyor”ga qarshi Chempionlar Ligasi bahsida ham kuzatilgandi.
Zinedin Zidan “Real” boshqaruviga ikkinchi marta kelgach, jamoa 86 o‘yindan 15 tasida gol olmadi (ularning 8 tasi 0:0 hisobi bilan tugagan) — 17%. Fransiyalik mutaxassis faoliyat yuritgan ilk davrda 149 o‘yinda bor-yo‘g‘i 9 ta golsiz o‘yin bo‘lgandi (uchta o‘yin nursiz o‘tgan) — 6%.
2017-yilda jamoa 156 ta gol urgandi, 2018-yilda (Krishtianu Ronaldu “Real”da iyun oyiga qadar to‘p surgan) bu ko‘rsatkich 142 tani tashkil qilgan. 2019-yilda “Real” 100 gol urgan, 2020-yil esa — 91. Bu klub uchun 2005-yildan keyingi eng yomon natija hisoblanadi va uch yil avvalgi natijada deyarli 40 foizga kam.
“Real” Ronaldu ishtirok etgan 503 o‘yinda 1385 ta gol urgan (o‘rtacha har o‘yinda 2,7 ta). U ketganidan keyingi 241 o‘yinda 136 ta gol urildi (o‘rtacha 1,8).
Ronaldu 2018-yilning yozida “Yuventus” safiga o‘tib ketgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)