«Реал» сўнгги 15 йилликдаги энг ёмон натижани қайд этди

«Реал» Ла Лига 18-тури доирасида «Осасуна»га қарши кечган 9 январь кунги баҳсда 0:0 ҳисобидаги дурангни қайд этди.

Бу «Реал» учун Ла Лига 2020/21 йилги мавсумидаги учинчи нурсиз ўйин бўлди. Бунақаси шунингдек, «Шахтёр»га қарши Чемпионлар Лигаси баҳсида ҳам кузатилганди.

Зинедин Зидан «Реал» бошқарувига иккинчи марта келгач, жамоа 86 ўйиндан 15 тасида гол олмади (уларнинг 8 таси 0:0 ҳисоби билан тугаган) — 17%. Франциялик мутахассис фаолият юритган илк даврда 149 ўйинда бор-йўғи 9 та голсиз ўйин бўлганди (учта ўйин нурсиз ўтган) — 6%.

2017 йилда жамоа 156 та гол урганди, 2018 йилда (Криштиану Роналду «Реал»да июнь ойига қадар тўп сурган) бу кўрсаткич 142 тани ташкил қилган. 2019 йилда «Реал» 100 гол урган, 2020 йил эса — 91. Бу клуб учун 2005 йилдан кейинги энг ёмон натижа ҳисобланади ва уч йил аввалги натижада деярли 40 фоизга кам.

«Реал» Роналду иштирок этган 503 ўйинда 1385 та гол урган (ўртача ҳар ўйинда 2,7 та). У кетганидан кейинги 241 ўйинда 136 та гол урилди (ўртача 1,8).

Роналду 2018 йилнинг ёзида «Ювентус» сафига ўтиб кетганди.