Indoneziyada halokatga uchragan Sriwijaya Air aviakompaniyasining Boeing 737-524 yo‘lovchi samolyoti suvga urilish oqibatida parchalanib ketgan bo‘lishi mumkin. Bu haqda Straits Times gazetasi Transportda xavfsizlik bo‘yicha milliy komissiyaning aviatsiya xavfsizligini tekshirish bo‘limi rahbari Nurkaxio Utomoga tayanib xabar berdi, deb yozadi “RBK”.
“Dastlabki ma’lumotlar samolyot suvga kelib urilgan paytda parchalanib ketganini ko‘rsatmoqda”, — dedi u.
Utomoning qo‘shimcha qilishicha, agar samolyot havoda parchalanganida, uning bo‘laklari kattaroq maydon bo‘ylab sochilgan bo‘lardi.
Aviahalokat 9-yanvar kuni sodir bo‘ldi, layner Male oroli yaqinida Yavan dengizida halokatga uchradi. Uning bortida 62 kishi: 50 nafar yo‘lovchi, shu jumladan, o‘n nafar bola, shuningdek, 12 nafar ekipaj a’zosi bor edi, ularning barchasi halok bo‘ldi.
SJ182 reysini amalga oshirayotgan layner Indoneziyaning G‘arbiy Kalimantan provinsiyasi ma’muriy markazi bo‘lgan Pontianak shahriga yo‘l olgan. Samolyot mahalliy vaqt bilan 14:36 da Jakartadan uchib chiqqanidan keyin darhol radarlardan g‘oyib bo‘lgan va dispetcherlarga javob bermay qo‘ygan.
Keyinroq Meteorologiya, iqlim va geofizika agentligi vakili Deni Septiadi samolyot kuchli turbulentlik zonasiga tushib qolganini ma’lum qildi.
Izoh (0)