Oliy Majlis Senatining o‘n birinchi yalpi majlisida Senat raisi Tanzila Norboyeva fuqarolarda nimadir muammo bo‘lsa, o‘z hududidan saylagan deputatlarga murojaat qilishni tavsiya qildi.
Siz ularga ovoz berib saylagansiz. Shuning uchun sizda muammo bo‘lsa, deputatlarga murojaat qiling. Deputatlar ijro hokimiyatini chaqirib, o‘sha muammoning hal etilishini ta’minlab berishlari kerak bo‘ladi. Bekordan bekor xalq ularni saylab qo‘ygani yo‘q. Deputatlar o‘zlari o‘ylasinki, ularni xalq sayladi va xalq uchun ishlashi kerak, — dedi Senat raisi.Tanzila Norboyevaning ta’kidlashicha, fuqarolar deputatga murojaat qilsa, muammolari tezroq hal bo‘ladi — “Bu sizning haq-huquqingiz va buni talab qilishga haqlisiz”.
Avvalroq Senat rasi mahalliy kengash deputatlari budjetni tasdiqlab beruvchi emas, balki budjetni ijroga yo‘naltiruvchi organga aylanishi kerakligini aytib o‘tgan edi. Shuningdek, Tanzila Norboyeva ayrim deputatlar xalqning vakili sifatidagi vazifasini to‘liq bajara olmayotganini tanqid qilgandi.
Izoh (0)