Олий Мажлис Сенатининг ўн биринчи ялпи мажлисида Сенат раиси Танзила Норбоева фуқароларда нимадир муаммо бўлса, ўз ҳудудидан сайлаган депутатларга мурожаат қилишни тавсия қилди.
Сиз уларга овоз бериб сайлагансиз. Шунинг учун сизда муаммо бўлса, депутатларга мурожаат қилинг. Депутатлар ижро ҳокимиятини чақириб, ўша муаммонинг ҳал этилишини таъминлаб беришлари керак бўлади. Бекордан бекор халқ уларни сайлаб қўйгани йўқ. Депутатлар ўзлари ўйласинки, уларни халқ сайлади ва халқ учун ишлаши керак, — деди Сенат раиси.Танзила Норбоеванинг таъкидлашича, фуқаролар депутатга мурожаат қилса, муаммолари тезроқ ҳал бўлади — «Бу сизнинг ҳақ-ҳуқуқингиз ва буни талаб қилишга ҳақлисиз».
Аввалроқ Сенат раси маҳаллий кенгаш депутатлари бюджетни тасдиқлаб берувчи эмас, балки бюджетни ижрога йўналтирувчи органга айланиши кераклигини айтиб ўтган эди. Шунингдек, Танзила Норбоева айрим депутатлар халқнинг вакили сифатидаги вазифасини тўлиқ бажара олмаётганини танқид қилганди.
Изоҳ (0)