Professional boksning yengil vazn toifasida (-61,2 kg) ringga chiqayotgan amerikalik yengilmas bokschi Rayan Garsiya (20-0, 17 KO) Toshkent vaqti bilan 3-yanvar tongida navbatdagi jangini o‘tkazadi.
AQShda tashkil etiladigan boks oqshomida Rayan Garsiyaga britaniyalik Lyuk Kempbell (20-3, 16 KO) raqiblik qiladi.
Ushbu jang g‘olibi WBC’ning vaqtinchalik chempioni maqomini qo‘lga kiritadi va kamar sohibi Devid Heyniga (24-0, 15 KO) qarshi jang qilish uchun majburiy da’vogarga aylanadi.
Jang O‘zbekiston telekanallarida olib berilmaydi. Bellashuvni buyerda kuzatib boorish mumkin — havola
Aslida jang 5-dekabr sanasiga rejalashtirilgan, biroq Kempbellda koronavirus aniqlangani sabab bellashuv 3-yanvar sanasiga qoldirilgandi.
Ma’lumot uchun, 22 yoshli Garsiya so‘nggi jangini 2020-yil 14-fevralida Fransisko Fonsekaga qarshi o‘tkazib, raqibini 1-raunddayoq dahshatli nokautga uchratgandi. 33 yoshli Kempbell esa o‘zining so‘nggi jangini 2019-yil 31-avgustida Vasiliy Lomachenkoga qarshi o‘tkazib, ochkolar evaziga mag‘lub bo‘lgandi.
Rayan Garsiya va Lyuk Kempbell ijrosidagi eng sara janglarni tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)