PSJ futbol klubi Maurisio Pochettinoni yangi bosh murabbiy sifatida tanishtirdi.
48 yoshli mutaxassis bilan 2022-yilning yoziga qadar mo‘ljallangan shartnoma imzolangan. Shuningdek, parijliklarda kelishuvni yana bir mavsumga uzaytirish huquqi bo‘ladi.
Argentinalik mutaxassis 2019-yilning noyabrida “Tottenhem”ni tark etganidan buyon ishsiz yurgandi. U PSJda Tomas Tuxelning o‘rnini egallaydi. Avvalroq germaniyalik mutaxassis ishdan olingandi.
Pochettino uchun PSJ begona emas, u 2001—2003-yillarda ushbu jamoada to‘p surgan.
Parij shahri jamoasi 17-turdan keyin Fransiya chempionatida 35 ochko to‘plagan holda 3-o‘rinda bormoqda. Jamoa Chempionlar Ligasi 1/8 finalida “Barselona”ga qarshi o‘ynaydi.
PSJ navbatdagi o‘yinni 6-yanvar kuni Liga 1 doirasida “Sent-Etyen”ga qarshi o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)