Villa, mashinalar va mojaroli shaxsiy hayot. PSJ yulduzi Mauro Ikardi qanday hayot kechiradi?

Milanning “Inter” klubi safidagi bir qancha muvaffaqiyatli mavsumlardan so‘ng PSJ safiga qo‘shilgan Mauro Ikardini bugungi kunda bemalol yulduz darajasidagi futbolchi deb atash mumkin. Quyida esa Parij klubi hujumchisi Mauro Ikardining hashamatli hayoti haqida hikoya qilamiz.

Uylari

Ikardi Parijda ijaraga olingan uyda istiqomat qiladi. Shuningdek, argentinalik futbolchining Komo ko‘li (Italiya) atrofida joylashgan shaxsiy villasi ham bor. Ma’lumotlarga ko‘ra ushbu hashamatli villaning narxi 2,5 million yevroni tashkil qiladi.

Mashinalari

Mauroning avtoparki haqida gap ketganda uning garajiga istalgan odam faqat faqat havas qilishi mumkin. Ikardining garajidan Bentley Bentayga (130 ming yevro) Rolls Royce (250 ming yevro) oltin randagi Hummer (50—60 ming) Range Rover (60 ming yevro) va Lamborghini (250 ming yevro) kabi mashinalar o‘rin olgan.

Shaxsiy hayoti

Katta ehtimol bilan ko‘pchilik Ikardining Maksi Lopesning sobiq xotini Vanda Naraga mojaroli tarzda uylangani haqida eshitgan. Shu bois bu mavzuga alohida to‘xtalib o‘tirmaymiz. Vanda Ikardidan 7 yoshga katta bo‘lib, futbolchining rafiqasi bo‘lishdan tashqari, unning agenti hamdir. Juftlik 2014-yilda munosabatlarini rasmiylashtirgan, hozirda ularning 5 nafar farzandi bor, ulardan 3 nafari esa Maksi Lopesning bolalaridir. Ikardi bo‘sh vaqtlarini asosan oilasi va bolalariga sarflaydi.

Daromadi

Dastlab ijara asosida jamoaga qo‘shilib, keyinchalik u bilan shartnoma imzolagan Mauroning Parij klubidagi bir yillik maoshi 10 million yevroni tashkil qiladi. Bundan tashqari turli xil bonuslar bilan birga bu summa yana ham oshishi mumkin.