Germaniya terma jamoasi va “Barselona” darvozaboni Mark-Andre ter Shtegenning qanday hayot kechirishi haqida hikoya qilamiz.
Uyi
Ter Shtegen 2014-yildan beri “Barselona” sharafini himoya qilayotgan bo‘lsa-da, hamon Kataloniyadan shaxsiy uy sotib olmagan.
U shahar atrofida, Lionel Messining uyidan uncha uzoq bo‘lmagan hududda istiqomat qiladi. Ushbu ijaraga olingan uyda cho‘milish havzasidan tortib to garajgacha barchasi mavjud.
Mashinalari
Mark dunyoning eng kuchli darvozabonlaridan biri bo‘lishiga qaramay, hashamat va pafosni (o‘zining boshqalardan zo‘r ekanligini namoyon etish) yoqtirmaydi. Uni Kataloniya ko‘chalarida tez-tez piyoda aylanib yurganini ko‘rish mumkin. Uning garajida 90 ming dollarlik Audi SQ5 avtomobili bo‘lgan.
Biroq 2020-yilning fevral oyida posbon Ispaniyaning Cupra kompaniya kompaniyasi bilan shartnoma imzoladi va ushbu brendning yuzi sifatida bir qancha mashinalarga ega bo‘ldi.
Shaxsiy hayoti
Germaniyalik posbon ancha yillar oldin tanishgan Daniela Yele ismli qiz bilan 2017-yilda hayot yo‘llarini bog‘lagan. Daniela suyuklisi bilan Barselonaga ko‘chib o‘tgach, arxitektura bilan shug‘ullanishni boshlagan. Juftlik hozirda o‘g‘il farzandni voyaga yetkazmoqda.
Do‘stlari
Mark aksariyat futbolchilar singari ko‘plab tanishlarga ega, biroq uning eng yaqin do‘stlarining millionlar o‘yiniga umuman daxli yo‘q, shunday ekan, ularga alohida to‘xtalishga hojat yo‘q.
“Barselona”da esa u asosan Xerard Pike bilan ko‘proq muloqot qiladi. Shuningdek, u jamoaning sobiq futbolchisi Andres Inyesta bilan bilan ham iliq do‘stlik munosabatlarga ega bo‘lgan.
Futboldan tashqari qiziqishlar
Darvozabon futboldan bo‘sh vaqtlarida unga yaxshigina daromad keltiradigan reklamalarda suratga tushishni yoqtiradi. Bundan tashqari uning qiziqishlari qatoriga suv sporti turlari, videoo‘yinlar, sayohat, avtomobil boshqarish va muxlislar bilan uchrashishni kiritish mumkin.
Izoh (0)