Миланнинг «Интер» клуби сафидаги бир қанча муваффақиятли мавсумлардан сўнг ПСЖ сафига қўшилган Мауро Икардини бугунги кунда бемалол юлдуз даражасидаги футболчи деб аташ мумкин. Қуйида эса Париж клуби ҳужумчиси Мауро Икардининг ҳашаматли ҳаёти ҳақида ҳикоя қиламиз.
Уйлари
Икарди Парижда ижарага олинган уйда истиқомат қилади. Шунингдек, аргентиналик футболчининг Комо кўли (Италия) атрофида жойлашган шахсий вилласи ҳам бор. Маълумотларга кўра ушбу ҳашаматли вилланинг нархи 2,5 миллион еврони ташкил қилади.
Машиналари
Мауронинг автопарки ҳақида гап кетганда унинг гаражига исталган одам фақат фақат ҳавас қилиши мумкин. Икардининг гаражидан Bentley Bentayga (130 минг евро) Rollce Royse (250 минг евро) олтин рандаги Hummer (50—60 минг евро) Range Rover (60 минг евро) ва Lamborghini (250 минг евро) каби машиналар ўрин олган.
Шахсий ҳаёти
Катта эҳтимол билан кўпчилик Икардининг Макси Лопеснинг собиқ хотини Ванда Нарага можароли тарзда уйлангани ҳақида эшитган. Шу боис бу мавзуга алоҳида тўхталиб ўтирмаймиз. Ванда Икардидан 7 ёшга катта бўлиб, футболчининг рафиқаси бўлишдан ташқари, уннинг агенти ҳамдир. Жуфтлик 2014 йилда муносабатларини расмийлаштирган, ҳозирда уларнинг 5 нафар фарзанди бор, улардан 3 нафари эса Макси Лопеснинг болаларидир. Икарди бўш вақтларини асосан оиласи ва болаларига сарфлайди.
Даромади
Дастлаб ижара асосида жамоага қўшилиб, кейинчалик у билан шартнома имзолаган Мауронинг Париж клубидаги бир йиллик маоши 10 миллион еврони ташкил қилади. Бундан ташқари турли хил бонуслар билан бирга бу сумма яна ҳам ошиши мумкин.
Бошқа мақолалар:
Изоҳ (0)