Futbol bo‘yicha Angliya Premyer Ligasining 17-turida “Manchester Yunayted” 1-yanvar, juma kuni “Aston Villa”ni qabul qildi.
Birinchi bo‘lim yakunlanishi arafasida Antoni Marsyal maydon egalarini oldinga olib chiqdi. 58-daqiqada Bertran Traore hisobni tenglashtirgan bo‘lsa, oradan uch daqiqa o‘tib, Brunu Fernandesh mezbonlarning ikkinchi golini urdi. Shu bilan hisob boshqa o‘zgarmadi.
Shu tariqa Ole-Gunnar Sulsher shogirdlari ochkolarini 33 taga yetkazib olgan holda peshqadam “Liverpul”ga yetib oldi. “Aston Villa” (26) esa 6-pog‘onada qoldi.
“Manchester Yunayted” keyingi turda “Fulhem” maydonga safar qilsa, “Aston Villa” jamoasi “Tottenhem”ni qabul qiladi.
Yana bir o‘yin “Everton” va “Vest Hem” jamoalari o‘rtasida kechdi. Tomash Souchek tomonidan 86-daqiqada urilgan gol londonliklar g‘alabasini ta’minladi.
APL
17-tur bahslari
1-yarvar, juma
“Manchester Yunayted” — “Aston Villa” 2:1
Gollar: 1:0 – 40 Marsyal, 1:1 – 58 Traore, 2:1 – 61, penalti Brunu Fernandesh.“Manchester Yunayted”: De Xea, Bayi, Maguayr, Uan-Bissaka, Shou, Brunu Fernandesh (Jeyms, 87), Fred (Tuanzebe, 90), Pogba, Maktominey (Matich, 65), Marsyal, Reshford.
“Aston Villa”: Martines, Konsa, Targett, Mingz, Kesh, al-G‘ozi (Devis, 84), Grilish, Duglas Luis, Makginn, Traore (Remzi, 79), Uotkins.
Ogohlantirishlar: Maguayr (49), Bayi (55), Shou (89), Matich (90).
“Everton – Vest Hem 0:1
Gol: 0:1 – 86 Souchek.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)