“Manchester Yunayted” darvozaboni David de Xea Premyer Liga 17-turi doirasida 1-yanvar kuni “Aston Villa”ga qarshi kechgan bahsda (2:1) maydonga tushdi.
Bu ispaniyalik darvozabon uchun mankunianlar safida APLdagi 327-o‘yin bo‘ldi. Shu tariqa de Xea Buyuk Britaniyadan bo‘lmagan futbolchilar orasida ligada eng ko‘p o‘yin o‘tkazish bo‘yicha klub rekordini o‘rnatdi. Undan avvalgi rekord irlandiyalik Roy Kinga tegishli bo‘lib (326 o‘yin), 15 yildan beri saqlanib turgandi.
Umumiy hisobda de Xea APLdagi o‘yinlari soni bo‘yicha beshinchi o‘ringa ko‘tarildi.
U faqat Ueyn Runi (393), Gari Nevill (400), Pol Skoulz (499) va Rayan Giggz (632) kabi futbolchilardan ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)