Futbol bo‘yicha Angliya Premyer Ligasining 16-turida “Liverpul” 30-dekabr, chorshanba kuni “Nyukasl” maydonida mehmon bo‘ldi.
Uchrashuvda hisob ochilmadi va Yurgen Klopp jamoasi ketma-ket ikkinchi o‘yinda ochko yo‘qotdi. O‘tgan turda jamoa “Vest Bromvich” bilan durang o‘ynagandi.
“Liverpul” 16-turdan keyin 33 ochko to‘plagan holda birinchi o‘rinda bormoqda va bitta zaxira o‘yiniga ega “Manchester Yunayted”ni uch ochkoga ortda qoldirmoqda. “Nyukasl” (19) esa 14-pog‘onaga ko‘tarildi.
“Liverpul” keyingi turda “Sauthempton” maydoniga safar qiladi, “Nyukasl” o‘zida “Lester”ga qarshi bahs yuritadi.
APL
16-tur bahsi
30-dekabr, chorshanba
“Nyukasl” — “Liverpul” 0:0
“Nyukasl”: Darlou, Yedlin, Fernandes, Klark, Ritchi (Lyuis, 86), Longstaff, Heyden, Myorfi (Almiron, 67), Sher, Uilson, Joelinton.“Liverpul”: Alisson, Fillips, Aleksander-Arnold, Robertson, Fabinyo, Jons (Veynaldum, 68), Milner (Tiago Alkantara, 73), Henderson, Saloh (Shakiri, 90), Mane, Firmino.
Ogohlantirishlar: Klark (12), Fabinyo (49), Milner (65), Fillips (78), Heyden (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)