“Manchester Yunayted” Angliya Premyer Ligasi 16-turi doirasida 29-dekabr kuni “Vulverhempton”ga qarshi kechgan bahsda g‘alabaga erishdi (1:0).
G‘alaba to‘pi 93-daqiqada Markus Reshford tomonidan kiritildi. Angliyalik futbolchi faoliyati mobaynida uchinchi marta APL uchrashuvida 90-daqiqadan keyingi goli bilan jamoasiga g‘alaba olib keldi. Bu klub rekordi hisoblanadi.
Shuningdek, bu APL doirasida “Old Trafford”da 2009-yildan keyingi eng kech urilgan gol bo‘ldi. O‘shanda Maykl Ouen “Manchester Siti” darvozasini 96-daqiqada ishg‘ol qilgandi.
23 yoshli futbolchi joriy mavsum Premyer Ligada 15 o‘yin o‘tkazib, 7 gol va to‘rtta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)