“Barselona” yarim himoyachisi Filippe Koutinyo La Liga 16-turi doirasida 29-dekabr kuni “Eybar”ga qarshi kechgan bahsda (1:1) jiddiy jarohat oldi.
Katalon klubi matbuot xizmatining ma’lum qilishicha, futbolchining chap tizzasi ichki meniskida shikastlanish kuzatilgan. Yaqin kunlarda futbolchi jarrohlik amaliyotini boshdan kechiradi.
Ispan OAVda berilgan xabarlarga ko‘ra, agar braziliyalik futbolchi operatsiya qilinadigan bo‘lsa, u holda to‘rt oyga safdan chiqadi.
Avvalroq shunga o‘xshash jarohat tufayli “Barselona” hujumchisi Ansu Fati 4 oyga safdan chiqqandi.
Koutinyo 2020/21-yilgi mavsumda “Barselona” safida 14 o‘yin o‘tkazib, uch gol va ikkita golli uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)