Dunyoda birinchi bo‘lib koronavirusga qarshi Pfizer va BioNTech vaksinasini qabul qilgan britaniyalik Margaret Kinan ikkinchi doza bilan emlandi. Bu haqda 29-dekabr kuni Sky News’ga tayanib, “Korrespondent.net” xabar berdi.
90 yoshli Margaret Kinan o‘zining birinchi koronavirusga qarshi vaksinasini 8-dekabrda qabul qilgandi. Uch hafta o‘tgach, 29-dekabr kuni unga COVID-19’ga qarshi vaksinaning ikkinchi dozasi yuborildi.
Emlash Koventri universiteti kasalxonasida amalga oshirildi.
AQShning oziq-ovqat va dori-darmonlar sifati masalalari boshqarmasi Pfizer va BioNTech kompaniyalari tomonidan yaratilgan koronavirusga qarshi vaksinaning samaradorligi 95 foizni tashkil etishini tasdiqlagandi. Ta’kidlanishicha, samaradorlikning bunday darajasiga vaksinaning ikkinchi dozasi yuborilganidan yetti kun o‘tgach erishiladi.
Mavzuga doir: Uilyam Shekspir Britaniyada koronavirusga qarshi emlangan birinchi erkak bo‘ldi (video)
Izoh (0)