Prezident Shavkat Mirziyoyevning qator farmonlariga muvofiq, O‘zbekiston mustaqilligining 29 yilligi arafasida bir guruh fuqarolar faxriy unvonlar, orden va medallar bilan taqdirlangan edi. 28-dekabr kuni Ko‘ksaroyda mukofotlarni topshirish marosimi bo‘lib o‘tdi.
Avvalroq “Surxon” futbol klubi bosh murabbiyi Ravshan Haydarov “O‘zbekiston Respublikasida xizmat ko‘rsatgan sport ustozi” faxriy unvoni bilan, O‘zbekiston terma jamoasi sardori, Xitoyning “Tyanszin Teda” klubida faoliyati yuritayotgan yarim himoyachi Odil Ahmedov esa “O‘zbekiston Respublikasida xizmat ko‘rsatgan sportchi” faxriy unvoni bilan mukofotlangani e’lon qilingandi.
28-dekabr kuni Haydarov va Ahmedovga mazkur mukofotlar tantanali ravishda topshirildi.
Mavzuga doir: Ko‘ksaroyda tashkil etilgan davlat mukofotlarini topshirish tadbirining e’tiborga molik lahzalari — suratlarda
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)