O‘zbekistonda valyuta bozori erkinlashgan o‘tgan uch davomida erkin valyuta ayirboshlash bo‘yicha yetarli tajriba to‘plandi. “Endi iqtisodiyotimizning xorijiy valyutaga bog‘liqlik darajasini bosqichma-bosqich kamaytirish kerak”, — dedi Prezident Shavkat Mirziyoyev 29-dekabrdagi Murojaatnomasida.
Shu maqsadda, davlat rahbarining qayd etishicha, 2021-yilda valyuta kreditlari ulushini hozirgi 50 foizdan 45 foizga — kamida 2 milliard dollarga pasaytirish lozim. O‘z navbatida, milliy valyutada chiqariladigan xalqaro obligatsiyalar ulushini hozirgi 25 foizdan kamida 40 foizga oshirish zarur.
Prezident, shuningdek, 2021-yilda banklararo valyuta bozori “onlayn” platformaga o‘tkazilishi va tadbirkorlar valyutani bevosita bankning o‘zidan sotib olishiga imkoniyat yaratilishini e’lon qildi.
“Natijada tadbirkorlar valyutani hozirgidek 4 kunda emas, yarim soatda sotib olishi mumkin bo‘ladi”, — deya qo‘shimcha qildi Shavkat Mirziyoyev.
Mavzuga doir:
- “Qiyin bo‘lyapti, lekin o‘rganyapmiz”. Shavkat Mirziyoyev so‘z erkinligi sohasida amalga oshirilayotgan ishlar haqida
- Shavkat Mirziyoyev: Prezident saylovlari xalqaro tamoyillar asosida o‘tkazilishi kerak
- “Korrupsiyaga toqatsizlik hayotimiz bir qismiga aylanishi kerak” — Shavkat Mirziyoyev
- Andijonda 2021-yil nomi yozilgan banner Prezident murojaatnomasi tugamay o‘rnatildi
Izoh (0)