Ўзбекистонда валюта бозори эркинлашган ўтган уч давомида эркин валюта айирбошлаш бўйича етарли тажриба тўпланди. «Энди иқтисодиётимизнинг хорижий валютага боғлиқлик даражасини босқичма-босқич камайтириш керак», — деди Президент Шавкат Мирзиёев 29 декабрдаги Мурожаатномасида.
Шу мақсадда, давлат раҳбарининг қайд этишича, 2021 йилда валюта кредитлари улушини ҳозирги 50 фоиздан 45 фоизга — камида 2 миллиард долларга пасайтириш лозим. Ўз навбатида, миллий валютада чиқариладиган халқаро облигациялар улушини ҳозирги 25 фоиздан камида 40 фоизга ошириш зарур.
Президент, шунингдек, 2021 йилда банклараро валюта бозори «онлайн» платформага ўтказилиши ва тадбиркорлар валютани бевосита банкнинг ўзидан сотиб олишига имконият яратилишини эълон қилди.
«Натижада тадбиркорлар валютани ҳозиргидек 4 кунда эмас, ярим соатда сотиб олиши мумкин бўлади», — дея қўшимча қилди Шавкат Мирзиёев.
Мавзуга доир:
- «Қийин бўляпти, лекин ўрганяпмиз». Шавкат Мирзиёев сўз эркинлиги соҳасида амалга оширилаётган ишлар ҳақида
- Шавкат Мирзиёев: Президент сайловлари халқаро тамойиллар асосида ўтказилиши керак
- «Коррупцияга тоқатсизлик ҳаётимиз бир қисмига айланиши керак» — Шавкат Мирзиёев
- Андижонда 2021 йил номи ёзилган баннер Президент мурожаатномаси тугамай ўрнатилди
Изоҳ (0)