Samarqandda faoliyat yuritayotgan korxonalar Yangi yil kirib kelishi arafasida bayram korporativ tadbirlari o‘tkazmaslik bo‘yicha ogohlantirildi, deb xabar beradi viloyat IIB axborot xizmati.
“Samarqand viloyati Ichki ishlar boshqarmasi viloyatdagi barcha tashkilot, idoralar, davlat ulushi bo‘lgan korxonalar va boshqa tashkilotlarni turli xil korporativ bayram tadbirlarini tashkil etmaslik bo‘yicha yana bir bor ogohlantiradi”, deyiladi xabarda.
Ta’kidlanishicha, ushbu ogohlantirish koronavirus bilan bog‘liq holat murakkablashmasligi uchun berilgan.
Avvalroq O‘zbekistonda budjet tashkilotlariga Yangi yil munosabati bilan korporativ bayramlar, shuningdek, o‘quvchi va talabalar ishtirokida Yangi yilga bag‘ishlangan bayram tadbirlarini o‘tkazish taqiqlangan edi.
Mavzuga doir:
Izoh (0)