IT Academy hayotidan bir kun, 2020 yil natijalari va keyingi yilga rejalar
IT Academy - bu dasturlash dunyosiga yaxshigina sho‘ng‘ishingiz mumkin bo‘lgan joy.
Bu yerda hammasi qanday bo‘ladi? Keling qisqacha aytib beramiz.
Akademiyada tong. Darslar soat 14:00 dan boshlansada, o‘quvchilar bu yerda ertalabdan bo‘lishadi. Soat 10:00 da siz kod yozayotgan, uy vazifasini bajarayotgan yoki shunchaki o‘qiyotgan o‘quvchilarni ko‘rasiz. Qahva va ingliz tilida yangrayotgan musiqa o‘zgacha shinamlik va iliqlik atmosferasini yaratadi.
Hammasi kunduzgi 14:00 dan boshlanadi. Shu vaqtdan boshlab auditoriyalarda dars jarayoniga guvoh bo‘lishingiz mumkin. Katta proyektor ekranlari, kompyuter qarshisida o‘qishga sho‘ng‘igan o‘quvchilar, quvnoqlik o‘rniga jiddiylik - 20:00 ga qadar Akademiya jiddiy mashg‘ulotlarga sho‘ng‘iydi. Siz vaqti-vaqti bilan talabalar va o‘qituvchilarning kulgisini eshitishingiz mumkin.
Aytmoqchi, Akademiyada dam olishni ham unutishmaydi. Buning uchun, maxsus chillout zonasi mavjud. Do‘stona suhbat qurib, tajriba almashish imkoniyati, shuningdek o‘z sohangizdan yangi tanishlar orttirish - bularni hammasini IT Academy’da topasiz. Hech qanday chegara va keraksiz cheklovlarsiz.
IT Academy: 2020-yil xulosalari va keyingi yilga rejalar
2020 - yil, shubhasiz, hamma uchun sinovlarga boy yil bo‘ldi. Lekin, aynan shu sinovlar hammamizga IT sohasini rivojlantirish qanchalik zarurligini ko‘rsatdi.
Pandemiya ko‘plab sohalarga salbiy tasir qilgan bo‘lsada, yil davomida IT sohasi rivojlanishda davom etdi. IT-mutaxassislarga bo‘lgan talab esa faqat oshdi va keyinchalik ham oshishda davom etadi deya olamiz.
2020-yil bizga 2 ta asosiy narsani tushunshiimizga turtki bo‘ldi:
- Yurtimizda IT sohasini rivojlanishi uchun professional IT mutaxassislarini yetishtirish - bu bizning asosiy vazifalarimizdan biri;
- Biz sifatli va yuqori darajali onlayn ta‘lim va odamlarda unga bo‘lgan ishonch va ehtiyojni kuchaytirishimiz zarur;
- Dasturlash bo‘yicha yuqori sifatli onlayn darslar yaratish va ular ham oflayn darslar kabi samarali ekanligini praktikada ko‘rsatish
- Dasturchilar uchun yangi o‘quv programmalarini yaratish
- Yuqori malakali o‘qituvchilarni va IT mutaxassislarini Akademiyaga jalb qilish
- Dasturchilar uchun IT Community yaratish
Yangi yilga IT Academy’dan tilaklar
Maqolamiz yakunida, IT Academy’ning jamoasi nomidan sizni kirib kelayotgan Yangi yil bilan tabriklaymiz. 2021 - yil faqatgina quvonch olib kelishini tilaymiz. 2020 - yil olib kelgan hamma sinovlar ortda qolib, yangi kuch, reja va samimiy istaklar bilan 2021-yilda yangi cho‘qqilarni zabt etishingizga tilakdoshmiz.
Kirib kelayotgan bayram muborak bo‘lsin!
Reklama huquqi asosida.
Izoh (0)