O‘zbekiston maktablarida 1 va 2-chorakda o‘tilmagan fanlar keyingi chorakdan davom ettiriladi, deya xabar bermoqda Xalq ta’limi vazirligi.
Qayd etilishicha, pandemiya davrida o‘quvchilarning sog‘lig‘ini himoyalash, ijtimoiy masofani saqlash va ortiqcha muloqot qilishlarini oldini olish maqsadida 2020/2021-o‘quv yilining 1- va 2-choraklarida jismoniy tarbiya, musiqa madaniyati, texnologiya, tasviriy san’at, chizmachilik, ChQTB hamda tarbiya fanlarini vaqtinchalik o‘tmaslik tavsiya etilgan edi.
Xalq ta’limi vazirligi epidemiologik vaziyat barqarorlashganligi, bugungi kunga kelib deyarli barcha maktablar faoliyati yo‘lga qo‘yilib, 5,6 million nafar (90 foiz) o‘quvchilar an’anaviy shaklda ta’lim olayotganligini hamda ko‘pchilik ota-onalar va pedagoglarning takliflarini inobatga olib, maktablarda ushbu fanlar 3-chorakdan yana davom etishini ma’lum qiladi.
O‘quv yilining birinchi yarim yilligidagi mavzular vazirlikning tavsiyalariga muvofiq, tig‘izlashtirilgan holda (mavzularni qo‘shgan holda) o‘tiladi.
Mavzuga doir:
Izoh (0)