Qozog‘iston koronavirus tarqalishi bo‘yicha “sariq” zonaga o‘tdi, deb yozadi Tengrinews, mamlakat hududlarida epidemiologik vaziyatni baholash matritsasi ma’lumotlariga tayanib.
25-dekabr holatiga ko‘ra, Atirau viloyati “qizil” zonada qolmoqda. “Sariq” zonada Olmaota, Nur-Sulton shaharlari, Akmola, Qo‘stanoy, Pavlodar, G‘arbiy Qozog‘iston viloyatlari turibdi. Mamlakatdagi qolgan barcha hududlar koronavirus tarqalishi sur’atlari bo‘yicha “yashil” zonaga kiritilgan.
Ta’kidlanishicha, bugungi kunga qadar Qozog‘iston “yashil” zonada bo‘lib kelgan.
O‘tgan bir kecha-kunduz davomida (24-dekabr holatiga) Qozog‘istonda 736 kishi koronavirus infeksiyasiga chalingan. Mamlakatda jami 150 198 kishi COVID-19’ni yuqtirib olgan.
Eslatib o‘tamiz, 25-dekabrdan Qozog‘istonda koronavirus tufayli yangi cheklovlar kuchga kirdi.
Mavzuga doir:
- Qozog‘istonda koronavirus tufayli cheklovlar kuchaytirildi
- Qozog‘iston Rossiyaning “Sputnik V” vaksinasi ishlab chiqarishga kirishdi, fevraldan ommaviy emlash boshlanadi
- Qozog‘istonda 25-dekabrdan 5-yanvargacha koronavirusga qarshi choralar kuchaytiriladi
- Qozog‘iston ko‘ngillilarni mahalliy vaksina bilan emlashni boshladi
Izoh (0)