Pandemiya boshidan buyon COVID-19’ga chalingan rossiyaliklarning haqiqiy soni rasmiy statistika ma’lumotlaridan olti barobar ko‘p bo‘lishi mumkin. “Sberindeks” tahlilchilari shunday xulosaga keldi, deb yozadi Meduza.
“Modellashtirish ma’lumotlari shuni ko‘rsatmoqdaki, virusni yuqtirishning haqiqiy darajasi kasallanishning yengil va simptomsiz kechish holatlari hisobiga rasmiy statistika ma’lumotlaridan 5-6 marta ko‘proq bo‘lishi mumkin. Yoppasiga majburiy testdan o‘tkazish amaliyoti bo‘lmaganligi sababli bunday holatlar aniqlanmasdan qoladi, bu esa o‘lim holatlari haqidagi ma’lumotlarni va ko‘pchilik hollarda kasallik kechishining og‘irligi haqidagi tasavvurni oshirib yuboradi”, — deyiladi xabarda.
Tahlilchilar fikricha, hozir koronavirusga har kuni taxminan 165 ming kishi chalinayotgan bo‘lishi mumkin. Yangi yilgacha 16,6 million rossiyalik COVID-19 bilan kasallanishga ulgurishi mumkin, deb hisoblaydi “Sberindeks”dagilar.
Koronavirusga qarshi kurash bo‘yicha tezkor shtabning rasmiy ma’lumotlariga qaraganda, Rossiyada pandemiya boshidan buyon qariyb uch million kishi kasallangan. Dekabr oxirlarida kuniga 2829 mingta virusga chalinish holatlari qayd etilmoqda.
Mavzuga doir:
- Rossiyada bir sutkada rekord darajada — 29 935 ta COVID-19 holati aniqlandi. Moskvada 8203 kishi kasallandi, bu ham rekord ko‘rsatkich
- Sobyanin Moskvadagi shifokorlarning yarmidan ko‘pi COVID-19’ga chalinib chiqqanini aytdi
- Rossiyalik virusologlar koronavirusning yangi shtammi keltirib chiqadigan xavfni ma’lum qildi
- Rossiyada bir kunda rekord darajada — 29 350 kishi koronavirusga chalindi
Izoh (0)