Mahmud Murodovning UFC’dagi navbatdagi jangi sanasi va raqibi ma’lum bo‘ldi

O‘zbekistonlik UFC jangchisi Mahmud Murodov (24-6) 23-yanvar kuni Abu-Dabidagi “Jangchilar oroli”da bo‘lib o‘tadigan UFC 257 musobaqasida jang qiladi.

O‘zbekistonlik yakkakurashchiga AQSh vakili Endryu Sanches (21-5) raqiblik qiladi.

Eslatib o‘tamiz, Murodov ishtirokida oktabr oyida bo‘lib o‘tishi belgilangan ikkita jang bekor bo‘lgandi. Avvaliga Kshishtof Yotko jarohat sabab safdan chiqqandi. Keyinchalik Murodov koronavirus sabab Kevin Holandga qarshi jang qilolmagandi.

UFC 257 musobaqasining asosiy jangi Konor Makgregor va Dastin Porye o‘rtasida kechadi. Shuningdek, mazkur kechada Habib Nurmagomedovning amakivachchasi Umar Nurmagomedov debyut qiladi.

Mahmud Murodov UFC’da hozirgacha ikkita jang o‘tkazgan. U UFC’dagi debyut jangida italiyalik Alessio di Kirikoni (12-4, 9 KO) ochkolar hisobiga ko‘ra, ikkinchi jangida Trevor Smitni (15-10, 10 KO) uchinchi raundda nokaut evaziga mag‘lubiyatga uchratgan.

Mahmud Murodovning UFC’dagi barcha janglarini bu yerda tomosha qilish mumkin — video.