Poytaxtimizda joylashgan Intercontinental mehmonxonasida Yaponiya—O‘zbekiston: Ta’lim va malaka JUST Grant dasturi (SSI Co.Ltd Yaponiyaning yetakchi ta’lim kompaniyasi loyihasi) Taqdimot marosimi bo‘lib o‘tdi.
JUST Grant dasturining asosiy maqsadi til o‘rganish va oliy ta’lim olish istagidagi yoshlarni Yaponiyaning nufuzli oliy o‘quv yurtlarida grant asosida o‘qib, xorijiy diplomga ega bo‘lish va keyinchalik mutaxassisligi bo‘yicha yuqori maoshli ish topishlariga ko‘maklashishdan iboratdir.
O‘zbek yoshlari juda iqtidorli, shuning uchun ham oliygohlarda o‘qish istagidagi yoshlar soni yildan yilga ortib bormoqda. Buning natijasida esa, yoshlar orasida sog‘lom raqobat yuzaga kelib, oliygohga o‘qishga kirish uchun grant o‘rinlari kamligi sabab, talabalik baxti ko‘pchilik abituriyentlarga nasib etmayapti. Imtihondan o‘ta olmagan yoshlar esa, Xorijiy bilim dargohlarida ta’lim olishga urinib ko‘rishyapti, ammo u yerdagi ta’lim shartnomasi xarajatlarini to‘lash ham oson emas. Yoshlarni esa, oliygohda tahsil olgisi keladi, albatta.
JUST Grant dasturi aynan bilim olishni va yuqori daromadli ishga ega bo‘lishni istagan, zamon bilan hamnafas yoshlar uchun!
JUST Grant dasturi orqali yoshlar yapon tilini “nol”dan o‘rganib, imtihon topshirgach, Yaponiya oliygohlarida grant asosida ta’lim olishlari, hamda 6 oy davomida bepul yotoqxona bilan ta’minlanishlari mumkin. Bundan tashqari, talaba yoshlarga o‘qishdan bo‘sh vaqtida qo‘shimcha daromadli topishga ham ko‘maklashiladi. Ish davomida soatiga kamida 10 dollar haq to‘lanadi.
JUST Grant dasturida ishtirok etish uchun yosh chegaralangan bo‘lib, 17 yoshdan 30 yoshgacha bo‘lgan yoshlar, Magistratura bosqichida esa, 35 yoshgacha bo‘lganlar ishtirok etish mumkin.
Mazkur loyiha orqali, Yaponiyada tahsil olish istagidagi yoshlar, avvalambor, JUST Grant dasturiga test topshirish uchun ro‘yxatdan o‘tishlari kerak. Buning uchun, loyihaning O‘zbekistondagi koordinatori hisoblangan Toshkentdagi Study Tokyo Yapon til markaziga murojaat qilishi mumkin. Ro‘yxatdan o‘tgach, 2 oy mobaynida imtihonlarga tayyorlanish uchun (tanlangan ta’rifga ko‘ra) kompyuter, yapon tili bo‘yicha video va onlayn-darslar olinib, ular asosida til o‘rganib, tayyorgarlik ko‘riladi. Qulay tarafi shundaki, mazkur video va onlayn-darslarda 1,5-2 yillik o‘quv dasturini atigi 2 oy muddat ichida bemalol o‘zlashtirib olish, yapon tilini Yaponiya oliygohlarida o‘qiy olish darajasida o‘rganib olish mumkin bo‘ladi.
2 oydan so‘ng, Yaponiyalik mutaxassislar ishtirokida, olingan bilimlar asosida imtihon topshiriladi. Imtihon davomida eng yuqori natijaga erishgan 30 nafar talaba, Yaponiyada tahsil olish uchun grantni qo‘lga kiritadi. Ro‘yxatdan o‘tgan keyingi 300 nafar talaba esa shartnoma (kontrakt) asosida o‘qish huquqini qo‘lga kiritadi. Bundan tashqari, bu loyiha asosida Yaponiyada tahsil olish imkoniyatiga ega bo‘lgan talabalar, u yerda o‘qishdan bo‘sh vaqtda daromadli ishga joylashishi ham mumkin bo‘ladi.
Bir so‘z bilan aytganda, JUST Grant dasturi yoshlarga o‘z kelajagini qurish uchun imkoniyat yaratadi!
JUST Grant dasturining asosiy maqsadi, o‘zbekistonlik yoshlarni Yaponiyada ta’lim olib, ishlab va sarmoya yig‘ib, O‘zbekistonga katta daromad bilan qaytib kelishiga hissa qo‘shishdan iborat. Bilimli yosh mutaxassislar esa yurtga qaytgach, Yaponiyada o‘qish davomida olgan bilim va tajribalarini amalda qo‘llab, mamlakat rivojiga ham o‘z hissasini qo‘shadi. Mazkur ta’lim dasturi har tomonlama puxta, har ikki davlat uchun ham birdek foydali tarzda ishlab chiqilgan bo‘lib, hamkorlik aloqalarini ham mustahkamlash uchun xizmat qiladi.
Intercontinental mehmonxonasida bo‘lib o‘tgan loyihaning taqdimot marosimida loyiha spikerlari hamda JUST Grant dasturining O‘zbekistondagi koordinatori Study Tokyo Yapon tili markazi asoschisi Ibrohim Xurramov bilimga chanqoq yoshlarga dastur orqali ta’lim olish haqida batafsil ma’lumot beridi va maxsus videoroliklar namoyish qilindi.
Tadbirda JUST Grant dasturi ishtirokchisi bo‘lgan yoshlar ham ishtirok etdi. Bu yoshlar 2 oy davomida onlayn tarzda video o‘quv qo‘llanmalari orqali yapon tilini o‘rgangan va endilikda imtihon topshirib, grant asosida Yaponiya oliy o‘quv yurtlarida o‘qish imkoniyatini qo‘lga kiritadi.
Tadbirda muvaffaqiyatli tadbirkorlar hamda ruhshunoslar ham ishtirok etib, yoshlarni yangi imkoniyatlar sari ruhlantirdi.
Shuningdek, mazkur tadbirni Yaponiyaga o‘ziga xos bo‘lgan “kichik sayohat” deb ta’riflash mumkin. Chunki tadbir davomida mehmonlar, yoshlar Yaponiya madaniyati, urf-odatlari va o‘ziga xos an’analari bilan yaqindan tanishdi.
Yaponiyaning milliy liboslarida ijro qilingan, qadimiy an’analarni o‘zida aks ettirgan raqslardan iborat shou hamda O‘zbekistonda xizmat ko‘rsatgan artist Rayhonning diltortar qo‘shiqlari tadbir mehmonlariga xush kayfiyat bag‘ishladi.
Shuningdek, Yaponiyaning o‘ziga xos urf-odatlari aks etgan milliy “Choy marosimi” hamda “Sushi tayyorlash” jarayoni, tadbir ishtirokchilari va mehmonlarda iliq taassurot qoldirdi.
“Proart” kompaniyasi tomonidan tashkil etilgan mazkur tadbir yuqori darajada o‘tdi.
Ma’lumot uchun: japangrant.com
Tel: +998998205800
Reklama huquqi asosida.
Izoh (0)