AKFA Group Bosh ijro direktori Kamron G‘ulomov BENKAM majmuasida ishlab chiqarish kengaygani haqida xabar berdi. Loyihaning boshlanishi 2021-yilga mo‘ljallangan.
AKFA Group alyuminiy profillarini ishlab chiqarish bo‘yicha strategik maqsadlarga aniqlik kiritdi. Kompaniya nafaqat ishlab chiqarish bazasini kengaytirmoqda, balki ishlab chiqarish quvvatini yiliga 100 000 tonnaga yetkazishni maqsad qilgan.
– Besh yillik davrni o‘z ichiga olgan bu loyiha alyuminiy ekstruziyasi ishlab chiqarishni ko‘paytirishi va shu bilan birga ishlab chiqarish bo‘yicha dunyodagi eng yirik zavodlardan biriga aylantirilishi mumkin. Yangi yirik investitsiya loyihasi dunyoda alyuminiy iste’moliga bo‘lgan talabning ortishi bilan bog‘liq. Loyihaning boshlanishi 2021 yilga mo‘ljallangan. Ushbu qaror AKFA Groupning AQSh, Kanada, Germaniya, Polsha, Finlyandiya, Rossiya, Ukraina va bir qator MDH mamlakatlari bozorlarida mavjudligini ta’minlaydi va eksport salohiyatini oshiradi, - deya izoh berdi AKFA Group Bosh ijrochi direktori Kamron G‘ulomov. BENKAM ishlab chiqarish majmuasi qurilishining uchinchi bosqichi yo‘nalishning to‘liq infratuzilmasini, shu jumladan zamonaviy texnologik ko‘rgazma zallarini, ofislarni va ma’muriy bloklarni o‘z ichiga oladi.
BENKAM – bu 2015 yilda Yevropa va O‘zbekiston sherikligi ostida tashkil etilgan, Yevropa, Markaziy Osiyo va uzoq xorijiy mamlakatlarga eksport qilishga yo‘naltirilgan, jadal rivojlanayotgan kompaniya. BENKAM ishlab chiqarish majmuasi Navoiy viloyati Erkin Iqtisodiy Zonasida joylashgan bo‘lib, uning umumiy maydoni 116000 kv.m. tashkil etadi. Bugungi kunga qadar majmua qurilishining dastlabki ikki bosqichi to‘liq yakunlanib, 900 ta ish o‘rni yaratildi. Majmua kengaytirilishi esa xodimlar soni 1400 taga ko‘payishiga imkon yaratadi.
Reklama huquqi asosida.
Izoh (0)