Telegram messenjeri ma’muriyati guruhlarda bir vaqtning o‘zida ming nafar foydalanuvchi muloqot qilishi mumkin bo‘lgan ovozli chatlarni ishga tushirdi. Meduza’ning xabar berishicha, bu haqda kompaniya blogida e’lon qilindi.
Audiokonferensiyani istalgan guruhda ishga tushirish mumkin, foydalanuvchilar esa suhbat paytida yozishmalarini davom ettira oladi. Guruh ishtirokchilarning qaysi biri ovozli muloqotda ishtirok etayotgani ko‘rinib turadi. Telegram’ning Android versiyasida messenjer ilovasi vaqtincha yopib turilganda ham ovozli suhbatlar ko‘rinib turadi.
Ovozli chatni ishga tushirish uchun guruh administratori bo‘lish lozim. Guruh profilida “Yana” (uchta nuqta)dan keyin “Ovozli chat” tugmasini bosish lozim.
2020-yilning yanvar oyida Telegram chat va kanallarni alohida ruknga ajratish funksiyasini sinovdan o‘tkazishni boshlagandi. Avgust oyida esa Telegram Android’lar uchun videoqo‘ng‘iroqlar funksiyasini ishga tushirdi.
Izoh (0)