AKFA Group Бош ижро директори Камрон Ғуломов BENKAM мажмуасида ишлаб чиқариш кенгайгани ҳақида хабар берди. Лойиҳанинг бошланиши 2021 йилга мўлжалланган.
AKFA Group алюминий профилларини ишлаб чиқариш бўйича стратегик мақсадларга аниқлик киритди. Компания нафақат ишлаб чиқариш базасини кенгайтирмоқда, балки ишлаб чиқариш қувватини йилига 100 000 тоннага етказишни мақсад қилган.
– Беш йиллик даврни ўз ичига олган бу лойиҳа алюминий экструзияси ишлаб чиқаришни кўпайтириши ва шу билан бирга ишлаб чиқариш бўйича дунёдаги энг йирик заводлардан бирига айлантирилиши мумкин. Янги йирик инвестиция лойиҳаси дунёда алюминий истеъмолига бўлган талабнинг ортиши билан боғлиқ. Лойиҳанинг бошланиши 2021 йилга мўлжалланган. Ушбу қарор AKFA Groupнинг АҚШ, Канада, Германия, Польша, Финляндия, Россия, Украина ва бир қатор МДҲ мамлакатлари бозорларида мавжудлигини таъминлайди ва экспорт салоҳиятини оширади, - дея изоҳ берди AKFA Group Бош ижрочи директори Камрон Ғуломов. BENKAM ишлаб чиқариш мажмуаси қурилишининг учинчи босқичи йўналишнинг тўлиқ инфратузилмасини, шу жумладан замонавий технологик кўргазма залларини, офисларни ва маъмурий блокларни ўз ичига олади.
BENKAM – бу 2015 йилда Европа ва Ўзбекистон шериклиги остида ташкил этилган, Европа, Марказий Осиё ва узоқ хорижий мамлакатларга экспорт қилишга йўналтирилган, жадал ривожланаётган компания. BENKAM ишлаб чиқариш мажмуаси Навоий вилояти Эркин Иқтисодий Зонасида жойлашган бўлиб, унинг умумий майдони 116000 кв.м. ташкил этади. Бугунги кунга қадар мажмуа қурилишининг дастлабки икки босқичи тўлиқ якунланиб, 900 та иш ўрни яратилди. Мажмуа кенгайтирилиши эса ходимлар сони 1400 тага кўпайишига имкон яратади.
Реклама ҳуқуқи асосида.
Изоҳ (0)