Futbol bo‘yicha Ispaniya La Ligasining 14-turida “Real” 20-dekabr, yakshanba kuni “Eybar” maydoniga safar qildi.
Uchrashuvni faol boshlagan madridliklar 6-daqiqada Karim Benzemaning golidan keyin hisobni ochdi. 13-daqiqada Luka Modrich Benzemaning qulay uzatmasidan keyin jamoasining ikkinchi golini urdi.
28-daqiqada Kike Garsiya jarima maydoni tashqarisidan mukammal zarba yo‘llab, chiroyli gol muallifiga aylandi. Ikkinchi bo‘limda har ikki tomonda bir qator golga tortadigan vaziyatlar bo‘ldi. Hakam tomonidan qo‘shib berilgan vaqtda Lukas Vaskes Benzemaning pasidan keyin o‘yinga nuqta qo‘yib bergan golni urdi — 1:3.
Ushbu g‘alabadan keyin “Real” ochkolarini 29 taga yetkazib, peshqadam “Atletiko” bilan tenglashib oldi, biroq “matraschilar” ikkita zaxira o‘yiniga ega. “Eybar” (15) esa 14-pog‘onada qoldi.
La Liga
14-tur bahslari
20-dekabr, yakshanba
“Eybar” — “Real Madrid” 1:3
Gollar: 0:1 – 6 Benzema, 0:2 – 13 Modrich, 1:2 – 28 Kike Garsiya, 1:3 – 90+2 Vaskes.“Eybar”: Dmitrovich, Bigas, Arbilya, Rodriges, Poso, Diop (Alvares, 82), Inui (Leon, 72), Eksposito, Hil, Kike Garsiya (Aryetaleanisbeaskoa, 83), Muto.
“Real Madrid”: Kurtua, Karvaxal, Ramos, Varan, Mendi, Modrich (Valverde, 72), Kroos, Vaskes, Kazemiro, Rodrigo (Asensio, 72), Benzema.
Ogohlantirish: Arbilya (43).
“Selta” — “Alaves” 2:0
Gollar: 1:0 – 19 Mendes, 2:0 – 79 Mendes.“Granada” — “Betis” 2:0
Gollar: 1:0 – 14, penalti Soldado, 2:0 – 20 Soldado.“Kadis” — “Xetafe” 0:2
Gollar: 0:1 – 33 Ernandes, 0:2 – 90 Maksimovich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)