APL. “Tottenhem” o‘z uyida “tulkilar”ga yem bo‘ldi va 4-o‘ringa tushib ketdi
Futbol bo‘yicha Angliya Premyer Ligasining 14-turida “Tottenhem” 20-dekabr, yakshanba kuni “Lester”ni qabul qildi.
Uchrashuvning birinchi bo‘limi teng kurashlar ostida o‘tdi. Tanaffus arafasida londonliklar himoyachisi Serj Orye xavfli vaziyat kuzatilmayotgan bir vaqtda o‘z jarima maydoni ichida raqib futbolchisini to‘xtatib qoldi. Natijada belgilangan penaltini Jeymi Vardi golga aylantirdi.
59-daqiqada qanotdan uzatilgan to‘pni Jeymi Vardi darvozaga yo‘llashda xatoga yo‘l qo‘ydi. Biroq uning zarbasi Tobi Alderveyreldga tegib, darvozadan joy oldi. Qolgan vaqtda Joze Mourinyo shogirdlari raqib himoyasini yorib o‘ta olmadi.
Shu tariqa “Lester” ochkolarini 27 taga yetkazib olgan holda 2-o‘ringa ko‘tarildi va peshqadam “Liverpul”dan 4 ochko ortda qolmoqda. Ketma-ket ikkinchi mag‘lubiyatni qabul qilib olgan “Tottenhem” (25) esa 4-pog‘onaga tushib ketdi.
APL
14-tur bahslari
20-dekabr, yakshanba
“Tottenhem” — “Lester” 0:2
Gollar: 0:1 – 45, penalti Vardi, 0:2 – 59, avtogol Alderveyreld.“Tottenhem”: Lyoris, Alderveyreld, Regilon, Orye (Uinks, 64), Dayer, Lo Chelso (Lukas Moura, 49), Sissoko, Hyoybyerg, Ndombele (Beyl, 46), Son Hyon Min, Keyn.
“Lester”: Shmeyhel, Jastin, Evans, Fofana, Kastan (Amarti, 60), Meddison, Tilemans, Ndidi, Barns (Prat, 84), Olbrayton, Vardi (Ixeanacho, 88).
Ogohlantirishlar: Olbrayton (32), Ndidi (72), Dayer (79), Uinks (81).
“Brayton” — “Sheffild Yunayted” 1:1
Gollar: 0:1 – 63 Bogl, 1:1 – 87 Uelbek.Chetlatish: Landstryom (40) — “Sheffild”.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
