Футбол бўйича Испания Ла Лигасининг 14-турида «Реал» 20 декабрь, якшанба куни «Эйбар» майдонига сафар қилди.
Учрашувни фаол бошлаган мадридликлар 6-дақиқада Карим Бенземанинг голидан кейин ҳисобни очди. 13-дақиқада Лука Модрич Бенземанинг қулай узатмасидан кейин жамоасининг иккинчи голини урди.
28-дақиқада Кике Гарсия жарима майдони ташқарисидан мукаммал зарба йўллаб, чиройли гол муаллифига айланди. Иккинчи бўлимда ҳар икки томонда бир қатор голга тортадиган вазиятлар бўлди. Ҳакам томонидан қўшиб берилган вақтда Лукас Васкес Бенземанинг пасидан кейин ўйинга нуқта қўйиб берган голни урди — 1:3.
Ушбу ғалабадан кейин «Реал» очколарини 29 тага етказиб, пешқадам «Атлетико» билан тенглашиб олди, бироқ «матрасчилар» иккита захира ўйинига эга. «Эйбар» (15) эса 14-поғонада қолди.
Ла Лига
14-тур баҳслари
20 декабрь, якшанба
«Эйбар» — «Реал Мадрид» 1:3
Голлар: 0:1 – 6 Бензема, 0:2 – 13 Модрич, 1:2 – 28 Кике Гарсия, 1:3 – 90+2 Васкес.«Эйбар»: Дмитрович, Бигас, Арбилья, Родригес, Посо, Диоп (Альварес, 82), Инуи (Леон, 72), Экспосито, Ҳил, Кике Гарсия (Ареталеанисбеаскоа, 83), Муто.
«Реал Мадрид»: Куртуа, Карвахаль, Рамос, Варан, Менди, Модрич (Вальверде, 72), Кроос, Васкес, Каземиро, Родриго (Асенсио, 72), Бензема.
Огоҳлантириш: Арбилья (43).
«Сельта» — «Алавес» 2:0
Голлар: 1:0 – 19 Мендес, 2:0 – 79 Мендес.«Гранада» — «Бетис» 2:0
Голлар: 1:0 – 14, пенальти Сольдадо, 2:0 – 20 Сольдадо.«Кадис» — «Хетафе» 0:2
Голлар: 0:1 – 33 Эрнандес, 0:2 – 90 Максимович.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)