“Santos” klubi va Braziliya terma jamoasi sobiq hujumchisi Pele o‘zining bitta jamoa safidagi gollari soni bo‘yicha rekordini takrorlagan Lionel Messi haqida fikr bildirdi.
Qalbingni muhabbat qoplab olgan vaqtda, o‘z yo‘lingni o‘zgartirishing qiyin. Har kuni kiyadigan bitta libosni qay darajada sevishingni juda yaxshi bilaman. Xuddi sen kabi o‘z uyingdek ko‘radigan bu maskandan yaxshiroq joy yo‘qligini bilaman.Eslatib o‘tamiz, Messi “Barselona” safida o‘zining 643-golini urdi va bu borada Pelening rekordini takrorladi.Seni bu tarixiy ko‘rsatkich bilan tabriklayman, Lionel. Biroq avvalo seni “Barselona”dagi ajoyib faoliyat bilan muborakbod etaman. Afsus, sen va men kabi bir klubga sodiq qoladiganlar borgan sari kamayib ketmoqda.
Senga tahsin aytaman, Lionel Messi.
Pele, sobiq futbolchi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)