Испания ва Португалияда ҳимоя ниқобига эга болалар қўғирчоғи ҳамда коронавирусни аниқлашга мўлжалланган ўйинчоқ тест-лабораториялар сотувга чиқарилди, деб хабар беради Esquire.
Бу каби ўйинчоқларни бирданига бир нечта маҳаллий ишлаб чиқарувчилар тақдим этган. Журналистлар томонидан сўровнома ўтказилганида, оналар бундан жуда хурсанд эканликларини билдирган. Уларнинг фикрича, буларнинг барчаси болаларга ҳозирги реалликка мослашиш ва тиббий текширувлардан қўрқмасликка ёрдам беради. Шу билан бирга, қўғирчоқларга ниқоб тақиш орқали болаларнинг ўзи уни тақишга ўрганиб олади.
Коронавирус тести жамланмаси эса ўйинчоқ касалликка «чалингани»ни аниқлашга, шунингдек, уни даволашга ёрдам беради. Эълон қилинган кадрларга кўра, ўйинчоқларнинг қонидаги кислород миқдорини аниқлаш ҳамда уларга осма укол қўйиш мумкин.
Бундан ташқари, Португалияда болалар учун оригинал ҳимоя воситасини мустақил йиғиш имконини берадиган жамланмалар ҳам чиқарилмоқда: ниқоблар, юзни ҳимоялагич ва совун.
Бу каби ўйинчоқлар аслида ёз ва кузда сотувга чиққан бўлиб, ҳозирда жуда оммалашиб кетган.
Мавзуга доир: Бола психикасининг бузилишига сабаб бўладиган ўйинчоқлар
Изоҳ (0)