Sog‘liqni saqlash vazirining tegishli buyrug‘i bilan Namangan shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida ishlab kelgan Abdilxodi Iminov viloyat sog‘liqni saqlash boshqarmasi boshlig‘i etib tayinlandi. Bu haqda vazirlik matbuot xizmati xabar berdi.
Ma’lumotlarga ko‘ra, 49 yoshli Abdilxodi Iminov o‘z faoliyati davomida Namangan shahar 1-sonli oilaviy poliklinikasi bosh shifokor o‘rinbosari, Namangan shahar ko‘p tarmoqli markaziy poliklinikasi bosh shifokori, viloyat sog‘liqni saqlash boshqarmasi boshlig‘ining birinchi o‘rinbosari lavozimlarida ishlagan.
Avvalroq Farg‘ona va Qashqadaryo viloyatlari sog‘liqni saqlash boshqarmasiga yangi rahbarlar tayinlangan edi.
Eslatib o‘tamiz, 9-noyabr kuni O‘zbekiston sog‘liqni saqlash vazirining tegishli buyrug‘i bilan Murad Qurbonov Qoraqalpog‘iston sog‘liqni saqlash vaziri etib tayinlangan.
Izoh (0)