Futbol bo‘yicha Coca-Cola O‘zbekiston Kubogining yarim finalida OKMK 16-dekabr, chorshanba kuni “Nasaf”ni qabul qildi.
Uchrashuvning 16-daqiqasida Bahrom Abdurahimov olmaliqliklarni oldinga olib chiqdi. Qolgan vaqtda qarshiliklar gol urish uchun qator imkoniyatlarga ega bo‘ldi. Biroq 1:0 hisobi o‘yin yakuniga qadar o‘zgarmay qoldi.
Shu tariqa OKMK ketma-ket uchinchi marta kubok finaliga yo‘l oldi. Shuningdek, ketma-ket uchinchi marta finalda “Paxtakor” — OKMK qarama-qarshiligi bo‘ldi. Avvalroq “Paxtakor” jamoasi “Qo‘qon-1912”ni musobaqadan chiqarib yuborgandi.
Final uchrashuvi 20-dekabr kuni Namangandagi “Markaziy” stadionida bo‘lib o‘tadi.
O‘zbekiston Kubogi
Yarim final bahsi
16-dekabr, chorshanba
OKMK — “Nasaf” 1:0
Gol: 1:0 – 16 Abdurahimov.OKMK: Valijon Rahimov, Sardor Rahmonov, Dilshod Jo‘rayev, Elguja Grigalashvili, Murod Toshmatov, Bahrom Abdurahimov, Mirg‘iyos Sulaymonov, Mate Vatsadze, Yovan Jokich, Jasur Umarov, Husniddin G‘ofurov.
“Nasaf”: Abduvohid Ne’matov, Husniddin Aliqulov, G‘olib G‘aybullayev, Bobur Abduxoliqov, Sharof Muhitdinov, Jo‘rabek Mannonov, Islom Kenjaboyev, Akmal Mozgovoy, Oybek Bozorov, Marko Stanoyevich, Umar Eshmurodov.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)