Prezidentning “Pochta aloqasi xizmatlarini ko‘rsatish tizimini tubdan takomillashtirish chora-tadbirlari to‘g‘risida”gi qarori qabul qilindi.
Qaror bilan pochta aloqasi xizmatlarini ko‘rsatish tizimini takomillashtirishning asosiy yo‘nalishlari belgilandi.
Unga ko‘ra, jumladan:
- pochta va kuryerlik xizmatlarini taqdim etish faoliyati bilan shug‘ullanib kelayotgan mahalliy va xorijiy kompaniyalar bilan hamkorlikda “yakuniy manzil” xizmati joriy etiladi;
- “Gibrid pochta” jo‘natmalarini qabul qilish va yetkazib berish xizmatlari soni 2 barobarga oshiriladi;
- mahalliy ishlab chiqaruvchilarning mahsulotlarini onlayn sotish va mijozlarga yetkazib berish imkoniyatini beruvchi elektron savdo maydonchasi axborot tizimi yaratiladi;
- respublikaning kamida 1 000 ta pochta bo‘limida, ayniqsa, olis va chekka hududlarda moliyaviy xizmatlar turlarini, xususan, aholidan to‘lovlar qabul qilish ikki barobarga kengaytiriladi hamda autsorsing asosida bank xizmatlari ko‘rsatilishi yo‘lga qo‘yiladi;
- olis va chekka hududlardagi pochta bo‘limida davlat xizmatlari ko‘rsatilishi yo‘lga qo‘yiladi.
Unga ko‘ra:
- 267 ta pochta aloqasi bo‘limi binosi ta’mirlanadi;
- 110 ta bino davlat-xususiy sheriklik asosida zamonaviy ko‘rinishda qayta quriladi;
- 326 ta pochta aloqasi bo‘limigacha 754 kilometr optik tolali aloqa liniyalari tortiladi;
- 250 ta pochta aloqasi bo‘limi zamonaviy kompyuter texnikasi va mobil qurilmalar bilan ta’minlanadi;
- 42 ta tuman pochta aloqasi bog‘lamasida “Gibrid pochta” jo‘natmalarini chop etish va unga ishlov bergan holda oluvchilarga yetkazib berish yo‘lga qo‘yiladi;
- 230 ta pochta aloqasi bo‘limida bank xizmatlari ko‘rsatish yo‘lga qo‘yiladi;
- 55 ta qo‘shimcha pochta aloqasi bo‘limini ochish hisobidan 145 ta yangi ish o‘rni yaratiladi.
Izoh (0)