“Manchester Yunayted” yarim himoyachisi Brunu Fernandesh Angliya Premyer Ligasining noyabr oyidagi eng yaxshi o‘yinchisi deb topildi.
Portugaliyalik futbolchi noyabr oyida Angliya chempionatida 4 ta o‘yin o‘tkazib, to‘rtta gol va bitta golli uzatma muallifiga aylangandi.
Shu tariqa Fernandesh 2020-yil hisobidan uchinchi marta ushbu sovringa ega bo‘ldi. Bu 2017-yildan keyingi eng yaxshi natija hisoblanadi. O‘shanda Harri Keyn bir yil ichida uch bor oyning eng yaxshi o‘yinchisi bo‘lgandi.
Eslatib o‘tamiz, Brunu “Manchester Yunayted”ga yanvar oyida kelgandi.
Introducing your @EASPORTSFIFA Player of the Month for November...
— Premier League (@premierleague) December 11, 2020
✨ @B_Fernandes8 ✨#PLAwards pic.twitter.com/0JgM33blYu
Ushbu sovrin uchun shuningdek, quyidagi futbolchilar kurash olib borgandi:
- Ben Chiluell (“Chelsi”) — 3 o‘yinda 1 gol;
- Anjelo Ogbonna (“Vest Hem”) — 3 o‘yinda 1 gol;
- Pyer-Emil Hyoybyerg (“Tottenhem”) — 3 ta quruq o‘yin, 89% uzatmalar aniqligi;
- Jeyms Uord-Prouz (“Sauthempton”) — 4 o‘yinda 3 gol va 2 ta golli uzatma;
- Jek Grilish (“Aston Villa”) — 4 o‘yinda 2 gol va 2 golli uzatma.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)