Futbol bo‘yicha Yevropa Ligasining 6-turidan o‘rin olgan bir qator o‘yinda 10-dekabr, payshanba kuni bo‘lib o‘tdi.
Muddatidan avval birinchi o‘rin masalasini hal qilib qo‘ygan “Roma” safarda Sofiyaning SSKA klubiga qarshi maydonga chiqdi. Ali Souning dubli va Tiagu Rodrigeshning goliga rimliklar bitta gol bilan javob qaytardi. Guruhning narigi o‘yinida “Yang Boyz” hakam tomonidan qo‘shib berilgan vaqtda ikkita to‘p kiritgan holda ChFRdan g‘alabani tortib oldi.
B guruhi yetakchisi “Arsenal” “Dandolk” maydonida mehmon bo‘ldi. Gollarga boy bo‘lgan bahsda londonliklar g‘alabaga erishdi. “Kanonirlar” safida Edvard Nketia, Muhammad an-Nenni, Jo Uillok va Folarin Balogun o‘z hisobiga gol yozdirib qo‘ygan bo‘lsa, mezbonlarning javob to‘plariga Jordan Flores va Shon Our muallif bo‘ldi. Guruhning ikkinchi o‘yinida “Molde” o‘zi uchun qulay bo‘lgan durangni qayd etdi va “Rapid”ni ortda qoldirib, ikkinchi o‘rinni qo‘lga kiritdi.
C guruhi yetakchilari “Bayer” va “Slaviya” Leverkuzenda birinchi o‘rin uchun kurash olib bordi. Unda mezbonlar 4:0 hisobidagi g‘alaba qayd etgan holda, birinchi o‘rinni qo‘lga kiritdi.
D guruhida Stiven Jerrard qo‘l ostidagi “Reynjers” safarda “Lex”ni yengdi. “Benfika” esa “Standard” maydonida durang o‘ynadi. Bu esa glazgoliklarga birinchi o‘rinni taqdim etdi.
E guruhida yetakchilik qilayotgan “Granada” safarda PAOK bilan nursiz durang qayd etdi. Natijala o‘z maydonida “Omoniya”ni yirik hisobda taslim etgan PSV ispan klubini ortda qoldirib, birinchi o‘ringa ko‘tarilib oldi.
Intriga so‘nggi soniyalargacha saqlanib qolgan F guruhida “Napoli” o‘zida “Real Sosyedad”ni qabul qildi. Dastlab Pyotr Zelinskining golidan keyin oldinga o‘tib olgan neapolliklar hakam tomonidan qo‘shib berilgan vaqtda to‘p o‘tkazib yubordi. Parallel o‘yinda AZ klubining mag‘lubiyatga uchrashi ispanlarni ham keyingi bosqichga olib chiqdi. “Napoli” esa birinchi o‘rin bilan pley-offga yo‘llanma oldi.
Yevropa Ligasi
6-tur bahslari
10-dekabr, payshanba
A guruhi
“Yang Boyz” Shveysariya — ChFR Ruminiya 2:1
Gollar: 0:1 – 84 Debelyux, 1:1 – 90+3, penalti Nsame, 2:1 – 90+6 Gaudino.SSKA Sofiya Bolgariya — “Roma” Italiya 3:1
Gollar: 1:0 – 5 Tiagu Rodrigesh, 1:1 – 22 Milaneze, 2:1 – 34 Sou, 3:1 – 55 Sou.B guruhi
“Rapid” Avstriya — “Molde” Norvegiya 2:2
Gollar: 0:1 – 12 Eykrem, 1:1 – 43 Ritsmayer, 1:2 – 46 Eykrem, 2:2 – 90 Ibrahimog‘lu.“Dandolk” Irlandiya — “Arsenal” Angliya 2:4
Gollar: 0:1 – 12 Nketia, 0:2 – 18 an-Nenni, 1:2 – 22 Flores, 1:3 – 67 Uillok, 1:4 – 80 Balogun, 2:4 – 85 Our.C guruhi
“Xapoel” Isroil — “Nitssa” Fransiya 1:0
Gol: 1:0 – 71 Hatuel.“Bayer” Germaniya — “Slaviya” Chexiya 4:0
Gollar: 1:0 – 8 Beyli, 2:0 – 32 Beyli, 3:0 – 59 Diabi, 4:0 – 90 Belarabi.D guruhi
“Standard” Belgiya — “Benfika” Portugaliya 2:2
Gollar: 1:0 – 12 Raskin, 1:1 – 16 Everton, 2:1 – 59 Tapsoba, 2:2 – 67, penalti Pitssi.“Lex” Polsha — “Reynjers” Shotlandiya 0:2
Gollar: 0:1 – 31 Itten, 0:2 – 72 Haji.E guruhi
PSV Niderlandiya — “Omoniya” Kipr 4:0
Gollar: 1:0 – 35 Malen, 2:0 – 63, penalti Dumfris, 3:0 – 90+1 Piru, 4:0 – 90+3 Piru.PAOK Gretsiya — “Granada” Ispaniya 0:0
F guruhi“Napoli” Italiya — “Real Sosyedad” Ispaniya 1:1
Gollar: 1:0 – 34 Zelinski, 1:1 – 90+2 Villian Joze.“Riyeka” Xorvatiya — AZ Alkmar Niderlandiya 2:1
Gollar: 1:0 – 51 Menalo, 1:1 – 57 Veyndal, 2:1 – 90+3 Tomechak.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)