“Real” Yevropa Chempionlar Ligasi 6-turidan o‘rin olgan 9-dekabr kungi bahsda “Borussiya M”ni mag‘lubiyatga uchratdi (2:0) va pley-off bosqichiga yo‘l oldi.
Madridliklar 29-marta musobaqa guruh bosqichini muvaffaqiyatli yakunladi. “Real” Chempionlar Ligasi ikkita guruh bosqichidan iborat bo‘lgan paytda ham ulardan o‘ta olgan.
“Qaymoqranglilar” Chempionlar Ligasida faqat 1996/97-yilgi mavsumda qatnashmagan, o‘sha mavsumda jamoa Yevrokuboklarga chiqa olmagandi.
Ma’lumot uchun, “Real” B guruhida “Borussiya M”, “Shaxtyor” va “Inter” jamoalariga qarshi bahs yuritdi. Yakunda jamoa birinchi o‘rinni egallab, 1/8 finalga chiqdi. Madridliklarga nimchorak finalda “Atalanta”, “Latsio”, “Leypsig” yoki “Portu” jamoalaridan biri raqib bo‘ladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)