Футбол бўйича Европа Лигасининг 6-туридан ўрин олган бир қатор ўйинда 10 декабрь, пайшанба куни бўлиб ўтди.
Муддатидан аввал биринчи ўрин масаласини ҳал қилиб қўйган «Рома» сафарда Софиянинг ЦСКА клубига қарши майдонга чиқди. Али Соунинг дубли ва Тиагу Родригешнинг голига римликлар битта гол билан жавоб қайтарди. Гуруҳнинг нариги ўйинида «Янг Бойз» ҳакам томонидан қўшиб берилган вақтда иккита тўп киритган ҳолда ЧФРдан ғалабани тортиб олди.
B гуруҳи етакчиси «Арсенал» «Дандолк» майдонида меҳмон бўлди. Голларга бой бўлган баҳсда лондонликлар ғалабага эришди. «Канонирлар» сафида Эдвард Нкетиа, Муҳаммад ан-Ненни, Жо Уиллок ва Фоларин Балогун ўз ҳисобига гол ёздириб қўйган бўлса, мезбонларнинг жавоб тўпларига Жордан Флорес ва Шон Оур муаллиф бўлди. Гуруҳнинг иккинчи ўйинида «Молде» ўзи учун қулай бўлган дурангни қайд этди ва «Рапид»ни ортда қолдириб, иккинчи ўринни қўлга киритди.
C гуруҳи етакчилари «Байер» ва «Славия» Леверкузенда биринчи ўрин учун кураш олиб борди. Унда мезбонлар 4:0 ҳисобидаги ғалаба қайд этган ҳолда, биринчи ўринни қўлга киритди.
D гуруҳида Стивен Жеррард қўл остидаги «Рейнжерс» сафарда «Лех»ни енгди. «Бенфика» эса «Стандард» майдонида дуранг ўйнади. Бу эса глазголикларга биринчи ўринни тақдим этди.
E гуруҳида етакчилик қилаётган «Гранада» сафарда ПАОК билан нурсиз дуранг қайд этди. Натижала ўз майдонида «Омония»ни йирик ҳисобда таслим этган ПСВ испан клубини ортда қолдириб, биринчи ўринга кўтарилиб олди.
Интрига сўнгги сонияларгача сақланиб қолган F гуруҳида «Наполи» ўзида «Реал Сосьедад»ни қабул қилди. Дастлаб Пётр Зелиньскининг голидан кейин олдинга ўтиб олган неаполликлар ҳакам томонидан қўшиб берилган вақтда тўп ўтказиб юборди. Параллел ўйинда АЗ клубининг мағлубиятга учраши испанларни ҳам кейинги босқичга олиб чиқди. «Наполи» эса биринчи ўрин билан плей-оффга йўлланма олди.
Европа Лигаси
6-тур баҳслари
10 декабрь, пайшанба
А гуруҳи
«Янг Бойз» Швейцария — ЧФР Руминия 2:1
Голлар: 0:1 – 84 Дебелюх, 1:1 – 90+3, пенальти Нсаме, 2:1 – 90+6 Гаудино.ЦСКА София Болгария — «Рома» Италия 3:1
Голлар: 1:0 – 5 Тиагу Родригеш, 1:1 – 22 Миланезе, 2:1 – 34 Соу, 3:1 – 55 Соу.B гуруҳи
«Рапид» Австрия — «Молде» Норвегия 2:2
Голлар: 0:1 – 12 Эйкрем, 1:1 – 43 Ритцмайер, 1:2 – 46 Эйкрем, 2:2 – 90 Ибраҳимоғлу.«Дандолк» Ирландия — «Арсенал» Англия 2:4
Голлар: 0:1 – 12 Нкетиа, 0:2 – 18 ан-Ненни, 1:2 – 22 Флорес, 1:3 – 67 Уиллок, 1:4 – 80 Балогун, 2:4 – 85 Оур.C гуруҳи
«Хапоэл» Исроил — «Ницца» Франция 1:0
Гол: 1:0 – 71 Ҳатуэл.«Байер» Германия — «Славия» Чехия 4:0
Голлар: 1:0 – 8 Бэйли, 2:0 – 32 Бэйли, 3:0 – 59 Диаби, 4:0 – 90 Бельараби.D гуруҳи
«Стандард» Бельгия — «Бенфика» Португалия 2:2
Голлар: 1:0 – 12 Раскин, 1:1 – 16 Эвертон, 2:1 – 59 Тапсоба, 2:2 – 67, пенальти Пицци.«Лех» Польша — «Рейнжерс» Шотландия 0:2
Голлар: 0:1 – 31 Иттен, 0:2 – 72 Ҳажи.E гуруҳи
ПСВ Нидерландия — «Омония» Кипр 4:0
Голлар: 1:0 – 35 Мален, 2:0 – 63, пенальти Думфрис, 3:0 – 90+1 Пиру, 4:0 – 90+3 Пиру.ПАОК Греция — «Гранада» Испания 0:0
F гуруҳи«Наполи» Италия — «Реал Сосьедад» Испания 1:1
Голлар: 1:0 – 34 Зелиньски, 1:1 – 90+2 Виллиан Жозе.«Риека» Хорватия — АЗ Алкмар Нидерландия 2:1
Голлар: 1:0 – 51 Менало, 1:1 – 57 Вейндал, 2:1 – 90+3 Томечак.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)