Jinoyat ishlari bo‘yicha Toshkent shahar sudi muqaddam O‘zbekiston Oliy sudida ta’minotchi vazifasida ishlagan Sh.A.ning o‘limida ayblangan ikki shaxs ustidan hukm chiqardi, deb xabar beradi “Kun.uz”.
Ma’lum qilinishicha, sudlanuvchilardan biri 19 yilga, uning jinoiy sherigi 5 yilga ozodlikdan mahrum etilgan. Asosiy tafsilotlar haqida batafsil ma’lumot berilishi kutilmoqda.
Eslatib o‘tamiz, 52 yoshda bo‘lgan Sh.A.ning jasadi 8-avgust kuni kechga yaqin Qibray tumanidagi GES hududidan, sayohat chamadoni ichidan topilgan edi. Tergov davomida 2 nafar shaxsga nisbatan Jinoyat kodeksining 97, 169 (o‘g‘rilik), 227 (hujjatlar, shtamplar, muhrlar, blankalarni, avtomototransport vositalarining va ular tirkamalarining (yarim tirkamalarining) davlat raqam belgilarini egallash, nobud qilish, ularga shikast yetkazish yoki ularni yashirish) va 241-moddalari (jinoyat haqida xabar bermaslik yoki uni yashirish) bilan ayb e’lon qilinib, ularga qamoqqa olish tarzidagi ehtiyot chorasi qo‘llanilgan. Keyinroq ulardan biri 2009-yildan buyon RShTYoIMda rahbar lavozimida ishlab kelagani ma’lum bo‘lgandi.
Izoh (0)